Zubairu Hamza Masu
Hon. Hamza Zubairu Masu (An haifeshi ne a ranar 3 ga watan Satumba a shekara ta alif dari tara da sittin da takwas 1968) a kauyen Masu da ke karamar hukumar Sumaila, Jihar Kano.
Ilimi[gyara sashe | gyara masomin]
Ya yi makarantar firamare ta Masu daga shekara ta alif dari tara da saba'in da shida 1976 zuwa alif dari tara da tamanin da biyu 1982. Ya yi Karamar Sakandare a Wudil Teachers College a shekara ta alif dari tara da tamanin da biyu (1982 zuwa 1985). yayi babbar makarantar Sakandare ta kimiyya dake Dawakin Kudu a shekara ta alif dari tara da tamanin da biyar (1985 zuwa alif dari tara da tamanin da takwas 1988). [1]
Bayan nan ya samu gurbin shiga Kwalejin horas da Malamai ta Gumel don samun shaidar shaidar karatu ta kasa (NCE) a fannin Physics/Chemistry a shekara ta (1988 zuwa 1991). Neman ilimi ya kai shi Jami’ar Bayero Kano inda ya sami digiri (B.Sc. Ed) a fannin Geography. Honourable Masu kuma yana da takardar shaidar kammala digiri (PGD) a fannin Gudanarwa. [2]
Siyasa[gyara sashe | gyara masomin]
Daga shekara ta alif dari tara da casa'in da shida 1996 zuwa alif dari tara da casa'in da tara 1999 ya zama zababben kansila sannan a shekara ta 2001 aka nada shi kansila mai kulawa. Honorabul Masu ya zama shugaban karamar hukumarsa wa’adi biyu 2 a shekarar: 2004 zuwa shekara ta 2007 da 2011 kuma da 2015 bi da bi). A shekara ta 2007 ya yi aiki a matsayin mataimakin jami'in gudanarwa na wucin gadi. [3] Tun da farko ya kasance mataimakin jami'in ilimi na (AEO) a ma'aikatar ilimi ta jiha inda ya yi aiki a matsayin malamin makaranta.
kuma yanzu Shine Deputy Speaker zauren majalisar jaha ta kano.