Isyaka Rabi'u

Isyaka Rabi'u
Rayuwa
Haihuwa	Kano, 1928
ƙasa	Najeriya
Mutuwa	Landan, 8 Mayu 2018
Sana'a
Sana'a	ɗan kasuwa

Sheikh Khalifa Isyaka Rabi'u Malamin Addinin Musulunci ne, kuma shahararren ɗan kasuwa ne wanda ya daɗe yana ayyukan taimakawa al'umma da Addinin Musulunci ga dukan ƙungiyoyi a lokacin rayuwarsa. Wanda Shahararen ɗan kasuwa ne Wanda ake ma lakabi da Bua

Tarihin sa

An haifi marigayi Isyaku Rabi'u a shekara ta (1928 ) ga iyalan Muhammadu Rabi'u Ɗan Tinki, wanda mai wa'azin Addinin Musulunci ne daga Bichi cikin jihar Kano a Najeriya.

Daga shekara ta (1936 )zuwa( 1942) marigayin ya halarci makarantar allo ta mahaifinsa, inda aka horar da shi kan Alkur'ani da Larabci.

Daga nan ya tafi Maiduguri domin karo Ilimi, kuma bayan ya gama karatunsa a can ne ya dawo gida da niyyar yin aure.

Bayan yayi auren kuma ya tafi Zaria gidan wani shahararran Malami, mai suna Malam Na'iya, inda ya samu shekaru biyu yana ɗalibta.

A shekarar ( 1949) ya kasance malamin Addini mai zaman kansa, inda yake koyar da Larabci da Alqur'ani ga ɗalibansa. Kuma a cikin daliban akwai Ibrahim Musa Gashash.

A farko shekarun (1950) Mallam Isyaku Rabi'u ya fara kasuwanci, duk da cewa bai bar koyarwa ba. Ya kafa wani kamfani mai suna Isyaku Rabiu & Sons a shekara ta(1952).

Da farko kamfanin ya fara da zama dilan kayan kamfanin UAC ne, wanda a wancan lokacin ke kasuwanci akan kekunan dinki, da litattafan Addinin Musulunci da kuma kekuna.

A shekara ta (1958), kamfanin ya sami bunƙasa bayan da aka kafa masakar Kaduna Textile Limited kuma kamfanin na Isyaku Rabiu & Sons ya zama daya daga cikin dilolinsa na farko.

Marigayin ya zama babban dilan kamfanin a arewacin Nashiiya, kuma a Shekara ta (1963 )shi da wasu 'yan kasuwa daga Kano suka hadu don kafa Kano Merchants Trading Company.

Wannan kamfanin ya jure wa gasa daga kamfanonin da ke shigo da kayayyaki daga kasashen waje. Ya kuma kafa wani kamfani mai dinka kayan sawa a shekara ta (1970).

A lokacin da aka fara siyasar janmuriya ta biyu, marigayi Sheikh Isyaku Rabi'u ya goyi bayan jam'iyyar NPN wadda ta mulki kasar.

Kasuwanci

Kamfanin da marigayin ya kafa na Isyaku Rabiu & Sons a matsayin kamfani mai kasuwancin gine-gine da harkar inshora da na banki da kuma saye da sayarwar filaye.

A shekarun( 1970), kamfanin ya zuba jari cikin harkar hada akwatuna da jakukkuna, kuma wannan wani hadin gwuiwa ne da wasu masu zuba jari daga Lebanon.

A (1972 ), ya kafa masakar Bagauda Textile Mill, masu saka zannuwa da kayan inifom, inda daga nan ne ya kafa wasu kamfanonin da ke kasuwanci a bangarori daban-daban na tattalin arzikin kasar.

Wasu daga cikin sassan sun hada da kasuwanci kan kifi, da harkar gidaje da filaye, da siga, da kamfanin da ke samar da kayan motoci musamman na Daihatsu.

Amma saboda faduwar darajar Naira, kamfanin ya mayar da hankalinsa wajen kere-kere da kasuwanci kaya.

Iyalan sa

Marigayi Isyaku Rabi'u ya rasu ya bar mata da 'ya'ya har da jikoki masu yawa, kuma a cikin 'ya'yansa akwai Nafiu Rabiu, wanda shi ne babban dansa. Akwai kuma babban dan kasuwan nan, Abdulsamad Rabiu, wanda shi ne shugaban kamfanonin BUA.

Akwai kuma Rabi'u, mai kamfanin jirgin sama na IRS Airlines, da Naziru Rabi'u, da Quraish I Rabi'u, da Makiu Rabi'u, sai Abdullahi Rabi'u, da Muhammad Rabi'u, da Daha Rabi'u.

Kuma a fili yake cewa gidan marigayin na cikin gidaje mafi girma a duk fadin Kano.

Ayyukan sa domin taimaka ma al'uma

Ban da fagen karatun addini da kaswanci, marigayi Sheikh Isyaku Rabi'u ya yi fice wajen ayyukan taimako, wanda ya sa mutane da dama ke kaunarsa.

Malam Isyaka Rabi'u sanannen dan darikar Taijjaniyya ne, kuma yana daya daga cikin manyan almajiran shiek Ibrahim Nyass Kaulaha.

Abubuwan daya kamata a sani game da Isyaku Rabi'u

Wadannan su ne abubuwa guda bakwai da da wuya ka samu fahimtarsa:

1. Rabiu yazo duniya a ranar 9 ga Oktoba, 1928 cikin kungiyar Muhammadu Rabiu Dan Tinki da ke Bichi, Jihar Kano.

2. Mahaifinsa malamin addinin Islama ne wanda ya gudanar da nasa makarantar qurani.

3. Ya kaddamar da kungiyarsa mai suna Isyaku Rabiu da Yara a shekarar 1952.

4. Kungiyarsa ta samu yin musayar injinan dinki, litattafai masu tsattsauran ra'ayi da kekuna; daga baya kuma, kayan aiki.

5. Kamar dai lokacin da ya rasu Isyaku Rabi’u da ‘ya’yansa sun yi sha’awar harhadawa, kariya, banki da filaye.

6. Rabi’u ya kasance, har ya rasu, dan Tijjaniyya ne na gaba.

7. Isyaku Rabi’u mutum ne mai arziqi kuma mai bayar da gudunmawa[9