Anthony Seibu Alec Abban

Anthony Seibu Alec Abban
Member of the 2nd Parliament of the 1st Republic of Ghana (en) 9 ga Yuni, 1965 - 24 ga Faburairu, 1966 Election: 1965 Ghanaian parliamentary election (en) Member of the 1st Parliament of the 1st Republic of Ghana (en) 1956 - 1965 Election: 1956 Gold Coast legislative election (en) Member of the 2nd Parliament of the Gold Coast (en) 15 ga Yuni, 1954 - 17 ga Yuli, 1956 Election: 1954 Gold Coast legislative election (en)
Rayuwa
Haihuwa	Kogin Zinariya (Mulkin mallaka na Birtaniyya), 4 ga Yuni, 1928
ƙasa	Ghana
Mutuwa	2 Oktoba 1985
Karatu
Makaranta	Makarantar Mfantsipim Kwalejin Ilimi ta Wesley, Kumasi Teachers' Training Certificate (en)
Sana'a
Sana'a	ɗan siyasa da minista
Imani
Addini	Kiristanci Kirista
Jam'iyar siyasa	Convention People's Party (en)

Anthony Seibu Alec Abban malami ne kuma ɗan siyasa ɗan kasar Ghana. Ya kasance ɗan majalisa a jamhuriya ta farko. Ya fara zama ɗan majalisa mai wakiltar mazaɓar Ajumako-Asikuma daga shekarun 1954 zuwa 1965. A shekarar 1965 aka raba mazaɓar kuma ya zama ɗan majalisa mai wakiltar mazaɓar Ajumako. Ya kuma kasance mataimakin minista a muƙamai daban-daban a jamhuriya ta farko. A jamhuriya ta uku, ya kasance memba na jam'iyyar People's National Party, jam'iyyar da ta ci zaɓen shekara ta 1979. Abban malami ne mai horarwa. Kafin shiga siyasa, ya koyar a makarantu daban-daban a lokacin Gold Coast.

Rayuwar farko da ilimi

An haifi Abban ranar 4 ga watan Yuni 1928. Ya yi karatun sa na farko a Makarantar Methodist Ajumako. Ya ci gaba a makarantar Mfantsipim inda ya ci jarrabawar kammala karatunsa na London a shekarar 1948. Ya wuce Kwalejin Wesley da ke Kumasi inda ya samu takardar shaidar 'A' na Malami.

Aiki da siyasa

Kafin siyasa Abban ya koyar a makarantu a Winneba da Odoben duk a yankin tsakiyar Ghana. A shekarar 1954 aka zaɓi Abban a matsayin ɗan majalisa mai wakiltar Ajumako-Asikuma. Yayin da yake majalisar ya riƙe muƙamin mataimakin minista a ma'aikatu daban-daban, wasu daga cikinsu sun haɗa da ma'aikatar masana'antu, da ma'aikatar noma. A shekarar 1965 ya zama ɗan majalisa Ajumako lokacin da aka raba mazaɓar sa. Ya yi wannan aiki har zuwa shekara ta 1966 lokacin da aka hambarar da gwamnatin Nkrumah.

A jamhuriya ta uku Abban ya shiga jam’iyyar People’s National Party kuma yana ɗaya daga cikin jiga-jigan jam’iyyar.

Mutuwa

Abban ya rasu a ranar 2 ga watan Oktoba 1985 yana da shekaru 57.

Duba kuma

• Jerin 'yan majalisar da aka zaba a zaben majalisar dokokin Gold Coast na 1954
• Jerin 'yan majalisar da aka zaba a zaben majalisar dokokin Gold Coast na 1956
• Jerin sunayen 'yan majalisar da aka zaba a zaben 'yan majalisar dokokin Ghana na 1965