Benna Namugwanya
 Benna Namugwanya | |||
|---|---|---|---|
| |||
| Rayuwa | |||
| Haihuwa | Uganda, 10 Oktoba 1974 (50 shekaru) | ||
| ƙasa | Uganda | ||
| Mazauni | Kampala | ||
| Karatu | |||
| Harsuna | Turanci | ||
| Sana'a | |||
| Sana'a | ɗan siyasa | ||
Benna Namugwanya Bugembe (née Benna Namugwanya) 'yar siyasar ƙasar Uganda ce. Ita ce ƙaramar ministar birnin Kampala a majalisar ministocin Uganda. An naɗa ta a wannan matsayi a ranar 6 ga watan Yuni 2016. [1] A lokaci guda tana aiki a matsayin Wakiliyar Mata na Gundumar Mubende a majalisar ta 10 (2016-2021). [2]
Tarihi da ilimi
[gyara sashe | gyara masomin]An haife ta a ranar 21 ga watan Satumba 1967, a gundumar Mubende ta zamani. Ta halarci Kwalejin Saint Edwards, a Bukuumi, a gundumar Kakumiro ta zamani, don karatunta na O-Level. Ta koma Saint Kizito High School Bethany, a Ngugulo, a gundumar Mityana ta zamani, don karatunta na A-Level. [2] A cikin shekarar 1989, an shigar da ita Jami'ar Makerere, a Kampala, birni mafi girma kuma babban birnin Uganda. Ta kammala karatu a shekarar 1992 tare da Bachelor of Education. Daga baya a cikin shekarar 2006, wannan Jami'ar ta ba ta kyautar Jagoran Ilimi (Master of Education). Benna Namugwaya kuma tana da Diploma a Gudanar da Albarkatun Ɗan Adam, wacce ta samu daga Cibiyar Gudanarwa ta Uganda a shekarar 2007 da Takaddun Shaida a Dokokin Gudanarwa, wanda Cibiyar Ci Gaban Shari'a ta bata a shekarar 2009. [2]
Aikin
[gyara sashe | gyara masomin]Aikinta na farko ita ce malama a makarantar sakandare ta Alliance, tana aiki a wannan matakin har zuwa shekara ta 1995. Ta koma Kwalejin Saint Augustine, a Wakiso, yaina koyarwa a can daga shekarun 1996 har zuwa 1998. [2]
A cikin shekarar 1998, ƙaramar Hukumar Mubende ta ɗauki Benna Namugwanya aiki, a matsayin Sufeto na Makarantu, tana yin wannan aikin na tsawon shekaru shida. A cikin shekarar 2004, an ƙara mata girma zuwa matsayin mataimakiyar Jami'ar Ilimi, a gundumar Mubende, tana yin wannan aikin na shekara ɗaya. A shekara ta 2005, an sake ba ta muƙamin Mukaddashiyar Jami'ar Ilimi na gundumar, inda ta yi aiki na tsawon shekaru biyu a wannan matsayi. Ta zama Jami'ar Ilimi ta Gundumar a shekarar 2007, tana yin hidima a wannan aikin har zuwa shekara ta 2010. [2]
A shekara ta 2011 ta shiga siyasar zaɓe ta Uganda, inda ta tsaya takara a mazaɓar mata na gundumar Mubende, a ƙarƙashin tikitin jam'iyyar siyasa ta National Resistance Movement mai mulki. Ta yi nasara kuma aka sake zaɓen ta a shekarar 2016. [2] A cikin jerin sunayen majalisar ministocin, wanda aka fitar a ranar 6 ga watan Yuni 2016, an naɗa Namugwanya a matsayin ƙaramar ministar kula da harkokin babban birnin Kampala, inda ta maye gurbin Beti Olive Namisango Kamya-Turomwe, cikakkiyar ministar majalisar. [3]
Duba kuma
[gyara sashe | gyara masomin]- Majalisar ministocin Uganda
- Majalisar Uganda
- Babban Birnin Kampala
Manazarta
[gyara sashe | gyara masomin]- ↑ Uganda State House (6 June 2016). "Museveni's new cabinet list At 6 June 2016" (PDF). Archived from the original (PDF) on 7 October 2016. Retrieved 11 June 2016.
- ↑ 2.0 2.1 2.2 2.3 2.4 2.5 POUG (8 October 2017). "Parliament of Uganda: Members of the 10th Parliament: Namugwanya Bugembe Benny". Parliament of Uganda (POUG). Archived from the original on 21 March 2018. Retrieved 8 October 2017. Cite error: Invalid
<ref>tag; name "Profile" defined multiple times with different content - ↑ Presidential Press Unit (6 June 2016). "President announces new Cabinet". State House Uganda. Retrieved 8 October 2017.