Bernard Mikko

Bernard Mikko
Rayuwa
Haihuwa	7 Mayu 1961 (64 shekaru)
Sana'a
Sana'a	ɗan siyasa

Hon Bernard Barida Mikko (an haife shi a ranar 7 ga watan Mayu, 1961) ɗan siyasan Najeriya ne kuma ɗan kasuwa daga ƙaramar hukumar Gokana a jihar Ribas. Ya taɓa zama ɗan majalisar wakilai ta 4 na wakilan majalisar dokokin Najeriya daga jihar Ribas, mai wakiltar mazaɓar Khana/Gokana daga shekarun 1999 zuwa 2003. A shekarar 2022, Mikko ya bayyana sha’awarsa ta tsayawa takarar gwamnan jihar Ribas a shekarar 2023 a ƙarƙashin inuwar jam’iyyar APC, sai dai Tonye Cole ya lashe zaɓen fidda gwani kuma ya zama ɗan takarar jam’iyyar.

Aikin siyasa

A shekarar 1987, an zaɓi Bernard Mikko Kansila, B.dere Ward 4, ƙaramar hukumar Bori.

Daga shekarun Janairu 1988 zuwa Yuni 1989 Ya zama Mataimakin Shugaban Ƙaramar Hukumar Bori. A shekara ta 1999, an zaɓe shi a matsayin ɗan majalisar wakilai ta Najeriya, inda ya yi aiki har zuwa shekara ta 2003, yana wakiltar mazaɓar Khana/Gokana. Deeyah Emmanuel Nwika ya gaje shi.

A ƙarƙashin inuwar jam'iyyar PDP an naɗa Bernard Mikko a matsayin mai ba da shawara na musamman kan sa ido ga shugaban jam'iyyar PDP na ƙasa (Dr. Bamanga Tukur ) daga shekarun 2013 zuwa 2014. A shekarar 2014, ya bayyana aniyarsa ta shiga zaɓen gwamnan jihar Rivers a shekarar 2015. Sai dai shi da wasu 15 sun ƙaurace wa taron unguwanni bisa dalilan rashin adalci. Ezenwo Nyesom Wike ne ya lashe zaɓen firamare.

A shekarar 2017, Mikko ya koma jam’iyyar All Progressive Congress APC. A shekarar 2018, ya shiga takarar neman kujerar Sanatan jihar Ribas ta kudu maso gabas. Sai dai an soke duk wasu zaɓukan da aka yi a jam’iyyar APC, an kuma hana APC tsayar da ‘yan takara a zaɓen Jihar Ribas na shekarar 2019.

A shekarar 2021, an naɗa shi shugaban kwamitin ɗaukaka ƙara na jam'iyyar APC na jihar Enugu.