Clara Bohitile

Clara Bohitile
Member of the National Assembly of Namibia (en) 1995 - 2005
Rayuwa
Haihuwa	Windhoek, 19 Nuwamba, 1955 (70 shekaru)
ƙasa	Namibiya
Sana'a
Sana'a	ɗan siyasa da Manoma
Imani
Jam'iyar siyasa	SWAPO

Clara Gasebewe Bohitile (an haife ta a ranar 19 ga watan Nuwamba 1955) 'yar kasuwa ce ta Namibiya kuma tsohuwar 'yar siyasa.

Rayuwar farko da ilimi

An haifi Bohitile a ranar 19 ga watan Nuwamba 1955 a Windhoek. Ta halarci Makarantar Katolika a Tsohuwar Wuri (Old Location), Yankin baƙar fata mazauniyar Windhoek har zuwa ƙarshen shekarar 1950s. Ta kuma yi makaranta a Gunichas Roman Catholic School kusa da Gobabis da kuma makarantar sakandare ta Katolika a Döbra. Bohitile ta sami ilimin tattalin arziki na gida akan manyan makarantu a Kwalejin Tshiye da Jami'ar Vista, duka a Afirka ta Kudu. Bayan ta kammala ta koyarwa a makarantar sakandare ta Immanuel Shifidi ta Windhoek. Ta kuma fara aikin noma kuma ta shiga siyasa.

Aikin siyasa

Memba na SWAPO, Bohitile ta kasance memba na Majalisun Ƙasa na 2 da na 3 daga shekarun 1995 zuwa 2005. Ta kuma riƙe muƙamin mataimakiyar ministar ilimi da al'adu daga shekarar 1995 zuwa 2005 kuma. Ta sake shiga majalisar daga shekarun 2007 zuwa 2010 lokacin da ta maye gurbin Ben Amathila, wanda ya yi ritaya. Ita ma memba ce a kwamitin tsakiya na SWAPO.

Sana'ar kasuwanci

Bohitile kuma fitacciyar manomiya ce ta kasuwanci kuma 'yar siyasa. A cikin shekarar 2006, Ƙungiyar Aikin Noma ta Namibia ta ba ta lambar yabo ta Gwarzuwar Manomiyar Shekara. A cikin watan Satumba 2010, ta kafa tarihi lokacin da aka zaɓe ta a hukumar MeatCo Namibia. Ita ce mace ta farko da ta taɓa zama a kujeran hukumar MeatCo. Bohitile kuma tayi aiki a hukumar Windhoek Country Club da Casino.

Karramawa

An ba Bohitile Kyautattun Excellent Order of the Eagle a Ranar Jarumai ta 2014.