Dauda Kahutu Rarara

Dauda Kahutu Rarara
Rayuwa
Haihuwa	Jahar Katsina, 13 Satumba 1986 (39 shekaru)
ƙasa	Najeriya
Ƙabila	Musulunci
Karatu
Harsuna	Hausa
Sana'a
Sana'a	ɗan siyasa
Kyaututtuka	gani Award of Excellence.

shahararran mawakin dan siyasa

rarara

Dauda Adamu Kahutu Rarara wanda aka fi sani da Rarara, an haife shi ne a garin Kahutu a cikin (jihar Katsina) shahararren mawakin siyasa ne a Nijeriya, wanda yake zaune a jihar Kano. Mawaki ne a fannin rera wakokin yan siyasa kuma marubucin wakoki. Rarara ya taka muhimmiyar rawa wajen rera wakokin ga Yan jam'iyyar (APC) All Progressive Congress a babban zaben Najeriya na shekarar 2015, musamman ma ga tsohon shugaban kasa Muhammadu Buhari da gwamnan jihar Katsina Aminu Bello Masari.

shi dai tsohon mawaki ne wanda in dai a najeriya kake ka san shi musamman gurin yima yan siyasa waka.

Rayuwar farko da ilimi

An haifeshi ne a jihar Katsina a wani kauye da ake kira Kahutu. Yayi karatun Alqur'ani a makarantar Almajiranci, wata hanyar gargajiya ce ta Hausawa ta koyon Qur'ani|addinin Musulunci.wato (kolanta).

Siyasa

Rarara ya kasance sananne ne a fagen waka musamman wakokin siyasa. Rarara yayi kaurin suna a babban zaben Najeriya na shekarar 2015, lokacin da yake rera wakoki da dama ga Muhammadu Buhari da kuma adawa da shugabancin Goodluck Jonathan a galibin wakokin nasa. A watan satumba na shekarar 2020, Rarara ya nemi gudummuwa daga masoyan Muhammadu Buhari, da a tura masa Naira dubu dai dai (1,000) domin sakin bidiyon minti biyu (2) na yabon Muhammadu Buhari, cikin kasa da awanni arba'in da takwas (48), ya karbi Naira miliyan hamsin da bakwai (57) don sakin wakar da ya yabi Muhammadu Buhari.

Kyauta da Karramawa

Mawaki Rarara ya samu digirin karramawa a jami'ar Turawan Amurka wato European-America University. An ba Rarara digirin girmamawa domin irin hidimtawa al'umma,an karrama shine ranar bikin yaye dalibai karo na 23 na jami'ar da aka gudanar a NICON Luxury Hotel Abuja.. A ranar asabar 21 ga watan Satumba 2025, jami'ar ta musantar cewa ta baiwa wani mawaki digirin girmamawa,inda tace bada yawun bakin ta akayi hakan ba, tayi wannan bayani a asalin shafin ta na yanar gizo.

Wakokinsa

Dauda kahutu rarara yayi wakoki da dama, ga kadan daga cikin fitattun wakokinsa;

• Ƙkwai cikin kaya
• Saraki sai Allah
• Masu Gudu-su-Gudu
• Buhari ya Dawo
• Baba Buhari dodar
• Jahata jahata ce
• Kwana Darin Dallatu
• Kano ta Gandujece
• Ubban Abba zama daram
• Malam sha'aban Sharada
• Jaagaba ya karbi kasa
• Gawuna is coming
• Kashim sauransu.
• Ganduje shugaban faty.
• Zuwan mai malafa kano
• Gidan Raɗɗa
• Jagaba sai ka shiga villa

13x13

Rarara Shine shugaban kungiyar matasan kannywood ta 13x13, wata kungiya ce ta adadin mutum sha ukku (13), kuma ko wanne mutum daya daga cikin su sha ukkun yana da mutum 13 dake karkashinsa.

Suka

Wasu fusatattun matasa sun afkawa Rarara yayin da yake daukar bidiyo a jihar Katsina. Ana zargin sa da wawure Naira Miliyan dari (100) da jam'iyyar siyasa ta All Progressive Congress ta ba wa duk wadanda ke rera wakoki ga ƙungiyar siyasa.