Dauda Kahutu Rarara

Dauda Kahutu Rarara
Haihuwa	Dauda Jihar Katsina, Nigeria
Matakin ilimi	Almajiranci
Aiki	Mawaƙi
Shekaran tashe	2010 har wayau

Dauda Kahutu Rarara wanda aka fi sani da Rarara an haife shine a ( jihar Katsina ) shahararren mawaƙin siyasa ne a Nijeriya, mawaƙi kuma marubucin waƙa, wanda ya taka muhimmiyar rawa wajen rera waƙoƙin siyasa ga ƴan siyasar All Progressive Congress a babban zaɓen Najeriya na shekarar 2015, musamman ma ga shugaban Najeriya na yanzu Muhammadu Buhari da gwamnan jihar Katsina Aminu Bello Masari .

Rayuwar farko da ilimi

An haifeshi ne a jihar Katsina a wani kauye da ake kira Kahutu, Yayi karatun Alqur'ani a makarantar Almajiranci, wata hanyar gargajiya ce ta Hausawa ta koyon addinin Musulunci .

Siyasa

Rarara ya kasance sananne ne yayin babban zaben Najeriya na 2015, lokacin da yake rera wakoki da dama ga Muhammadu Buhari da kuma adawa da shugabancin Goodluck Jonathan a galibin wakokin nasa. A watan satumba na 2020, Rarara ya nemi gudummawa daga masoyan Muhammadu Buhari, don tura masa Naira dubu daya don sakin bidiyon minti biyu na yabon Muhammadu Buhari, cikin kasa da awanni 48 Ya karbi Naira miliyan 57 don sakin wakar wacce Ya yaba Muhammadu Buhari.

Sukar

Wasu fusatattun matasa sun afkawa Rarara yayin da yake daukar bidiyo a jihar Katsina. Ana zargin sa da wawure Naira Miliyan 100 da jam'iyyar siyasa ta All Progressive Congress ta ba wa duk wadanda ke rera wakoki ga kungiyar siyasa.

• 

  Dauda Kahutu Rarara