Dr Ibrahim Datti Ahmad

Dr Ibrahim Datti Ahmad

Ibrahim Datti Ahmad (1933 - Disamba 29, 2021) likita ne na Najeriya, ɗan siyasa, kuma malamin addinin Musulunci wanda ya yi aiki a matsayin Shugaban Majalisar Koli ta Shari'a a Najeriya (SCSN).

Farkon Rayuwa da Ilimi

An haifi Ahmad a unguwar Dogarai da ke cikin karamar hukumar Kano. Ya yi makarantar firamare ta Gidan Makama da Kwalejin Barewa. Ya samu MBBS dinsa a Jami’ar Ibadan, inda ya zama daya daga cikin ‘yan Arewacin Najeriya na farko da suka samu wannan nasarar.

Sana'a da Gudunmawa

Ahmad ya yi aiki a matsayin jami’in lafiya a karkashin ma’aikatan farar hula na Arewacin Najeriya.[3] Ya kafa asibitin Abubakar Imam Urology Hospital a Kano, wanda aka fi sani da Asma’u Memorial Hospital. Ya kasance Pro-Chancellor na Jami'ar Ife (yanzu Obafemi Awolowo University Ile-Ife) daga 1976 zuwa 1979.

Ahmad ya tsaya takarar shugaban kasa a karkashin rusasshiyar jam’iyyar Social Democratic Party (SDP) a shekarar 1992. Ya shahara wajen ayyukan taimakon jama’a da suka hada da gina makarantu da masallatai da bayar da kiwon lafiya ga gajiyayyu da mabukata.

Mutuwa da Gado

Ahmad ya rasu ne a ranar 29 ga Disamba, 2021, yana da shekaru 83, bayan ya sha fama da jinya. Wasu manyan mutane ciki har da shugaban kasa Muhammadu Buhari sun yi alhinin rasuwarsa, wanda ya bayyana shi a matsayin mutum mai dimbin hikima.