Florence Kabugho

Florence Kabugho
member of parliament (en)
Rayuwa
Haihuwa	Uganda,
ƙasa	Uganda
Sana'a
Sana'a	ɗan jarida da radio journalist (en)

Florence Kabugho 'yar siyasar ƙasar Uganda ce kuma tsohuwar 'yar jarida ta rediyo, wacce aka zaɓa a majalisar dokoki ta goma sha ɗaya ta Uganda a babban zaɓen shekara ta 2021, a matsayin wakiliyar gundumar Kasese mace.

Rayuwa

Kafin shiga siyasa Florence 'yar jarida ce ta gidan rediyo. Ta yi murabus daga aiki a gidan rediyon Uganda don yin aiki a gidan rediyon Meshia FM da ke yankin Rwenzori. Ta yi aiki da Omusinga Charles Mumbere na Rwenzururu, a ayyuka da yawa, ciki har da Mataimakinyar Kakakin Masarautar, Ministan Jinsi da Ministar Sadarwa. Lokacin da aka kai hari a fadar kuma aka kama Mumbere a shekarar 2016 ta kusan rasa ranta.

A watan Yulin 2020 Winnie Kiiza ta sanar da yin murabus daga harkokin siyasa, bayan shekaru goma sha biyar a matsayin 'yar majalisa a gundumar Kasese. Florence Kabugho na ɗaya daga cikin 'yan takara huɗu da za su gaji Kiiza a zaɓen fidda gwani na FDC. Ta samu nasarar lashe zaɓen FDC a zaɓen fidda gwani na FDC na watan Agusta 2020, inda ta samu kuri'u 259 Catherine Muhindo (kiri'u 111), Ruth Kabguho (kiri'u 54) da Annet Night ( kuri'u 39).

hoton Florence Kabugho

A watan Nuwambar 2020 Kabugho na cikin 'yan takarar FDC da 'yan sanda suka hana su kaddamar da takardunsu a wuraren wasan yara a ƙaramar hukumar Karambi. Ta ce abubuwan da ta sa a gaba su ne ilimi ga yara mata da cibiyoyin kiwon lafiya na cikin gida. Bayan da Kizza Besigye ya yanke shawarar kin tsayawa takarar shugaban ƙasa a zaɓen shekara ta 2021, Kabugho ta yi hasashen cewa jam'iyyar FDC za ta ci gaba da goyon bayan 'yan majalisa a Kasese.

An zaɓi Florence zuwa Majalisa a babban zaɓen shekarar 2021, a matsayin wakiliyar mata na gundumar Kasese. Yayin da jam'iyyar FDC ta rasa wasu kujeru uku a Kasese zuwa NRM, jam'iyyun adawa na cikin gida sun haɗa karfi da karfe don zaɓen kananan hukumomi da na magajin gari.