Gimbiya Inikpi

Gimbiya Inikpi
princess (en)
Rayuwa
Haihuwa	Idah,
ƙasa	Arewa ta Tsakiya (Najeriya)
Mutuwa	Idah, 1556
Karatu
Harsuna	Harshen Igbo
Sana'a
Sana'a	princess (en)

Gimbiya Inikpi ita ce gimbiya budurwa ta Masarautar Igala, an binne ta da rai don ceton masarautar daga halakar yakin Igala da Benin a shekarar 1515-1516 a zamanin mulkin Ata Ayegba Oma-idoko. Mutum-mutuminta har yanzu yana tsaye a wurin binne ta a kasuwar Ega kusa da kogin Niger da Idah, Jihar Kogi a Najeriya . Yawancin Igala sun sanya wa 'ya'yansu mata suna bayanta.

A farkon karni na 16, Masarautar Igala tana yaƙi da Masarautar Bini. Yaƙin ya yi mummunan tasiri ga mutanen Igala, inda maƙiya suka kwace gonakinsu suka kuma yi wa magudanan ruwa guba. Sarkin ya nemi shawarar mai bishara, yana neman mafita don ceton masarautarsa. Mai bishara ya ba da umarni cewa hanya ɗaya tilo ta kayar da Masarautar Bini ita ce a yi hadaya da Gimbiya Inikpi ta hanyar binne ta da rai.²

Sarki ya yi baƙin ciki amma bai sami mafita ba. Gimbiya Inikpi, bayan ta lura da baƙin cikin mahaifinta, ta tambaya game da dalilin baƙin cikinsa. Lokacin da ta ji labarin dokar mai bishara, sai ta yarda ta sadaukar da kanta da son rai don amfanin mutanenta.

An binne Gimbiya Inikpi da rai a bakin Kogin Niger, kuma ana kyautata zaton sadaukarwarta ta ceci Masarautar Igala daga halaka. Mayakan Bini, suna ganin garin yana ci da wuta (wanda a zahiri sakamakon jinin Gimbiya Inikpi ne), suka ja da baya, suna tunanin an riga an lalata garin.⁴

A yau, ana tunawa da Gimbiya Inikpi a matsayin jaruma wadda ta sadaukar da rayuwarta ga mutanenta. An ajiye mutum-mutumin Gimbiya Inikpi a wurin binne ta a Idah, Jihar Kogi, kuma gadonta yana ci gaba da zaburar da tsararraki.

Inikpi itace jarumar fim ɗin 2020 mai suna The Legend of Inikpi, wanda Frank Rajah Arase ya bada umarni.

Tarihi

Masarautar Benin ta wancan lokacin tana barazana ga ikon mulkin Igala, zaman lafiya da wanzuwa. [1] Domin hana mummunan yaƙi da ke tafe da kuma ba wa masarautar nasara, Gimbiya Inikpi 'yar Sarki guda ɗaya tilo ta zama ragon hadaya da mai bishara ya nema. [1] [2] Gimbiya Inikpi ta miƙa kanta don a yi mata hadaya duk da adawar da Sarki Ayegba ya nuna mata. [3]