Andar Char

Andar Char
Wuri
22°52′N 90°31′E
Ƴantacciyar ƙasa	Bangladash
Division of Bangladesh (mul)	Barisal Division (en)
Zila (mul)	Patuakhali District (en)

Andar Char ƙauye ne a gundumar Patuakhali a yankin Barisal na kudu ta tsakiya na Bangladesh. Yana kan tsibirin bakin teku a yammacin Bay na Bengal wanda ke da suna iri ɗaya. Char wani tsibiri ne da ke haduwa a dalilin yawan gusawar kogi. ƙauyen ya kafa mauza tare da ƙauyen Kabiraj Para.Ya zuwa 2011, akwai mutum 1,609 a ƙauyen, a cikin gidaje 348.

A ranar 7 ga Mayun 2003, Andar Char ya kasance wurin da ' yan fashin teku suka kai hari ga masu jiragen ruwa na kamun kifi 27. Kwale-kwalen suna bakin teku ne lokacin da 'yan fashi dauke da makamai suka haura, kuma masuntan sun yi asarar kifayen da suka kama, fatsar su, da sauran kayayyaki masu daraja. An jefa masunta 11 da suka yi yunkurin yin tirjiya a cikin ruwa; 7 daga cikinsu sun nutse yayin da sauran 4 kuma wasu masunta suka ceto.

Alkaluma

Bisa ga ƙidayar jama'a ta Bangladesh a shekarar 2011, Andar Char yana da yawan mutane 1,609, a cikin gidaje 348, tare da matsakaicin girman gida na mutane 4.6. Yawan jama'a ya hada da maza 830 da mata 779, tare da daidaiton jinsi na 107. Yawan karatun ƙauyen shine 63.9%, gami da 63.8% a tsakanin maza da 64.1% a tsakanin mata. 1,589 daga cikin mazauna kauyen musulmi ne kuma 20 mabiya addinin Hindu ne. Jimlar 42.0% na mazauna ƙauyen shekaru 0 zuwa 19. Ƙauyen yana da jimillar ma'aikata 99, ciki har da maza 93 da mata 6; duk mata da maza sai biyu duk suna aikin noma. Sauran maza biyu suna aiki a sashin sabis. Bugu da ƙari, an ƙidaya mata 76 a matsayin masu aikin gida da farko.

Daga cikin gidaje 348 na ƙauyen, akasarin (67.2%) tsarin kutcha ne, yayin da wani kashi 28.7% jhupri ne sauran kashi 4.0% kuma semi- pucca ne (babu wanda ya cika pucca). 21.8% na gidaje suna da bandaki mai tsafta tare da hatimin ruwa, 47.4% suna da bandaki masu tsafta ba tare da hatimin ruwa ba, 26.1% suna da bandaki marasa tsafta, sauran kashi 4.6% kuma ba su da bandaki. Duk gidaje sun sami ruwan sha ta rijiyar bututu, haka kuma duk gidaje sun kasance mallakarsu maimakon hayar.