Hussain Salihu

An haifi Hussain Egyegbola Salihu ranar 29 ga watan Yuni, shekarar 1959 a kauyen Agwatashi dake karamar hukumar Obi a jihar Nasarawa. Dan asalin jihar Nasarawa ne kuma shine Sanata mai wakiltar Nasarawa ta Kudu.

Farkon Rayuwa

Hussain ya halarci makarantar Sakandare ta Mada Hius inda ya samu shaidar kammala karatunsa na sakandare (WAEC) a shekarar 1978 sannan ya wuce Jami'ar Ahmadu Bello inda ya yi digirin farko a fannin Architecture a shekarar 1982. A shekarar 1984 ya ci gaba a Jami'ar Ahmadu Bello don yin digirinsa na biyu a fannin fasahar kere kere. Ya kuma sami takardar shaidar kammala karatun digiri a cikin Gudanarwa daga Jami'ar Jos a 1992.

Siyasa

A zaben 2015, Salihu ya tsaya takarar kujerar Sanatan Nasarawa ta Kudu a karkashin jam’iyyar All Progressives Congress (APC) kuma aka bayyana shi a matsayin wanda ya lashe zaben.

Dan takarar jam’iyyar Peoples Democratic Party,(PDD) kuma Sanata mai ci, Sanata Suleiman Adokwe Ya kalubalanci Nasarar Salihu a Kotun Saurraron kararrakin zabe ta jihar Nasarawa, daga baya kotun ta yi watsi da karar da ya shigar a gaban ta ya daukaka kara a kotun da ke Markudi a jihar Benue, inda kotun ta tabbatar da nasarar zaben Sanata Adokwe sannan ta umarci INEC da ta mayar da Sanata Adokwe a matsayin zababben sanata mai wakiltar Nasarawa ta Kudu.