Ilimi na bincike

Ilimi na bincike

ilimi na bincike (wani lokacin ana kiransa Hanyar bincike) hanya ce ta ilimi ta ɗalibai da ke mai da hankali kan yin Tambayoyi. Ana ƙarfafa ɗalibai su tambayi tambayoyin da ke da ma'ana a gare su, kuma waɗanda ba lallai ba ne su sami amsoshi masu sauƙi; ana ƙarfafa malamai su guji ba da amsoshi lokacin da hakan zai yiwu, kuma a kowane hali don guje wa ba da amtan kai tsaye don neman ƙarin tambayoyi. Ta wannan hanyar yayi kama da Hanyar Socratic a wasu fannoni. Neil Postman da Charles Weingartner ne suka ba da shawarar wannan hanyar a cikin littafin su Teaching as a Subversive Activity .

Duk da cewa ilimin da aka yi bisa bincike wata hanya ce ta koyarwa wadda ta kasance da alaƙa da ka'idar Piaget ta ci gaban fahimta da sauran masu ginawa kamar Jean Piaget, akwai wasu shaidu da ke nuna cewa malaman addini sun riga sun yi amfani da wannan hanyar tun zamanin da (tare da Passover Seder wanda ya zama misali na irin waɗannan hanyoyin ilimi). [1]

Bayani

Hanyar bincike ta samo asali ne daga ra'ayin Postman da Weingartner cewa ɗalibai masu ƙwarewa da masu tunani mai zurfi suna mai da hankali kan tsarin bincike mai ƙarfi, maimakon mai da hankali kawai kan samun ilimin da ba ya canzawa. Sun rubuta cewa wasu halaye sun zama ruwan dare ga duk ɗaliban kirki, suna cewa duk ɗaliban kirki suna da:

• Amincewa da kai ga iyawarsu ta koyo
• Jin daɗin magance matsaloli
• Jin daɗin dacewa sosai
• Dogara ga hukuncin kansu akan na wasu mutane ko al'umma
• Babu tsoron yin kuskure
• Babu gaggawa wajen amsawa
• Sassauci a mahangar ra'ayi
• Girmama gaskiya, da kuma ikon bambance tsakanin gaskiya da ra'ayi
• Ba sai an sami amsoshin ƙarshe ga duk tambayoyi ba, da kuma ta'aziyya wajen rashin sanin amsar tambayoyi masu wahala maimakon a sami amsa mai sauƙi