Ilimin taurari a duniyar Islama ta tsakiyar zamani

Ilimin taurari a duniyar Islama ta tsakiyar zamani
Bayanai
Ƙasa da aka fara	Daular Abbasiyyah
Time period (en)	Zamanin Zinare na Musulunci

Astrolabe na Farisa na ƙarni na 18 wanda aka ajiye a Gidan Tarihi na Tarihin Kimiyya na Whipple a Cambridge a cikin Ingila an yi shi da tagulla. Wannan astrolabe ya ƙunshi faifan diski da aka zana tare da matsayi na sararin samaniya.

Ilimin taurari a Islamata tsakiya zamani ta ƙunshi cigaba a fannin ilimin taurari da ya faru a duniyar Islama, musamman a lokacin Golden Age (ƙarni na 9-13), kuma galibi an rubuta su cikin harshen Larabci. Wadannan ci gaban sun kasance mafi yawa a Gabas ta Tsakiya, Tsakiyar Asiya, Andalus, da Arewacin Afirka, daga baya kuma a Gabas Mai Nisa da kuma Indiya. Ta yi kamanceceniya da asali na sauran ilimomin kimiyya na Musulunci wajen sarrafa kayan waje da kuma hadewar abubuwan da suka sabawa wadannan abubuwa don samar da ilimi acikin siga irinta Musulunci. Waɗannan sun haɗa da ilimin Girka, Sassanid, da ayyukan Indiya musamman, waɗanda aka fassara kuma aka gina su.

Ilimin taurari na Musulunci ya taka rawa sosai wajen farfado da ilmin taurari na Rumawa da na Turai biyo bayan hasarar ilimi a farkon zamanin da, musamman tare da samar da fassarorin harsunan Larabci a cikin karni na 12. Har ila yau ilmin falaki na Musulunci ya yi tasiri a kan ilmin falaki na kasar Sin.

Mahimman adadin taurari a sararin sama, irin su Aldebaran, Altair da Deneb, da kalmomin falaki irin su alidade, azimuth, da nadir, har yanzu ana kiransu da sunayensu na Larabci. A yau akwai babban rukunin wallafe-wallafe daga ilimin taurari na Musulunci, wanda adadinsu ya kai kusan rubuce-rubuce guda 10,000 da suka warwatsu a ko'ina cikin duniya, waɗanda yawancinsu ba a karanta su ba, ba a shirya su ba. Duk da haka, ana iya sake gina ingantacce aiki na ayyukan Musulunci a fagen ilmin taurari.

Wannan Muƙalar guntuwa ce: tana buƙatar a inganta ta, kuna iya gyara ta.