John Gomomo

John Gomomo
Rayuwa
Haihuwa	1954
Mutuwa	2008
Sana'a
Sana'a	trade unionist (en)

Phumzile John Gomomo (an haife shi a ranar 25 ga watan Oktoba na shekara ta 1945 - ya mutu a ranar 22 ga watan janairu na shekarar 2008) ɗan ƙungiyar tarayyar Afirka ta Kudu ne kuma ɗan gwagwarmaya.

Fage da aiki

An haifi Phumzile John Gomomo a gona a Adelaide a ranar 25 ga watan Oktoba na shekarar 1945, ɗaya daga cikin yara bakwai da marigayi Ndabeni (Mnzotho) da Nonga Stofile (Mpondo) suka haifa. Ya yi karatun firamare a Ntlaka Lower Primary School da Marry Mount High School. Ya bar makaranta a mataki na 6 (aji 8) saboda rashin yali, kuma daga baya ya kammala karatunsa ta hanyar kwasa-kwasan wasiƙa. Gomomo ya gudanar da ayyukan masana'antu da yawa a Uitenhage. A shekarar 1977, ya shiga ƙungiyar ma’aikatan motoci ta United, wadda daga baya ta haɗe da wasu ƙungiyoyin suka zama ƙungiyar ma’aikatan motoci da haɗin gwiwa ta ƙasa (NAAWU).

Yana aiki a Volkswagen a matsayin mai walda lokacin da ya zama shugaban kwamitin kula da shagunan masana'antar, inda ya jagoranci yajin aikin da aka yi a shekarar 1980 da 1982. An zaɓe shi shugaban shiyya na kungiyar ƙwadago ta Afirka ta Kudu me suna (FOSATU), wadda NAAWU ke da alaƙa da ita. A cikin shekarar 1986 ya kasance cikin tawagar Congress of African Trade Unions (COSATU) tawagar da suka gana da African National Congress (ANC) a Lusaka, kuma a shekarar 1989 ya sake kasancewa a cikin wata ƙungiya me suna COSATU da ta yi wa Nelson Mandela bayani a kurkuku.

Ya kasance memba na kwamitin kafa COSATU a shekarar 1985, kuma ya kasance shugaban wannan kungiyar daga shekarar 1991 zuwa shekarar 1999.

Mutuwa

Gomomo ya mutu a cikin shekara ta 2008 a Adelaide kuma an binne shi a can. Jana'izar sa ya samu halartar shugaban jam'iyyar ANC na lokacin Jacob Zuma da kuma shugaban Afirka ta Kudu na lokacin Thabo Mbeki da sauran manyan baki.