Juliana Shonza

Juliana Shonza
Member of the National Assembly of Tanzania (en) 29 Oktoba 2015 -
Rayuwa
Haihuwa	23 ga Afirilu, 1987 (38 shekaru)
ƙasa	Tanzaniya
Harshen uwa	Harshen Swahili
Karatu
Makaranta	Jami'ar Dar es Salaam
Harsuna	Turanci Harshen Swahili
Sana'a
Sana'a	ɗan siyasa
Imani
Jam'iyar siyasa	Party of the Revolution (en)

Juliana Daniel Shonza (an haife ta a ranar 23 ga watan Afrilu 1987) 'yar siyasar ƙasar Tanzaniya ce kuma memba a jam'iyyar Chama Cha Mapinduzi (CCM) mai mulki. Ita ce mataimakiyar ministar yaɗa labarai, al'adu, fasaha da wasanni a halin yanzu. Ta kasance ‘yar majalisa mai wa’adi ɗaya da aka naɗa a kujera ta musamman da aka keɓe a mata.

Tarihi da ilimi

An haifi Juliana Daniel Shonza a ranar 23 ga watan Afrilu 1987 a yankin Songwe. Ta kammala karatunta a Sakandaren Kibasila a shekarar 2005 da Dakawa a shekarar 2008. Digiri na farko a fannin zamantakewa daga shekarun 2008 zuwa 2011 da digiri na biyu akan ilimin zamantakewa daga shekarun 2013 zuwa 2015 daga Jami'ar Dar es Salaam da Jami'ar Dodoma.

Aikin siyasa

Shonza ta shiga harkar siyasa ne a lokacin da take Jami'ar Dar es Salaam a matsayin mataimakiyar shugabar majalisar matasan ƙasar Chadema ta ƙasa. A shekarar 2013 ta koma Chama Cha Mapinduzi inda aka naɗa ta a matsayin mataimakiyar sakataren karfafa gwiwa a hedikwatar CCM. A yayin babban zaɓen shekarar 2015, an naɗa Juliana Shonza a matsayin mamba a majalisar dokokin Tanzaniya ta hanyar kujerun mata na musamman don ajiyewa daga shekarun 2015 zuwa 2020.

A cikin shekara ta 2017, an naɗa ta a matsayin mataimakiyar Minista a Ma'aikatar Watsa Labarai, Al'adu, Fasaha da Wasanni ta Shugaba John Magufuli a lokacin canje-canjen da ya yi a ranar 9 ga watan Oktoba 2017. Tana aiki a majalisar ministoci ƙarƙashin Minista Dr. Harrison Mwakyembe.