Kunle Adewale

Kunle Adewale
Rayuwa
Haihuwa	Mushin (Nijeriya), 13 Mayu 1981 (44 shekaru)
ƙasa	Najeriya
Harshen uwa	Yarbanci
Karatu
Makaranta	Jami'ar Obafemi Awolowo Tulane University (en) University of Florida (mul)
Harsuna	Turanci Yarbanci Pidgin na Najeriya
Sana'a
Sana'a	ɗan kasuwa, painter (en) da social entrepreneur (en)

Olakunle Joel Adewale (an haife shi a ranar 13 ga watan Mayu 1981) ɗan Najeriya ne mai ƙirƙirar ayyukan ci gaban al'umma da kuma fasahar gani. Acikin shekarar 2013 ya kafa Tender Arts Nigeria, wata ƙungiyar da ke mai da hankali kan fasahar warkarwa, fasaha a fannin lafiya, haɓaka baiwa, ƙarfafa al'umma da kuma shiga harkokin ƙasa ta hanyar fasahar gani, adabi da wasan kwaikwayo waɗanda ke amfani da yara, matasa, manya [1]  da kuma tsofaffi a faɗin duniya. Haka kuma, a ranar 10 ga watan Oktoba, 2021, ya ƙaddamar da haɗin gwiwa na farko na lafiyar hankali inda yake taimakawa wajen karfafa muryoyin matasa masu sha'awar lafiyar ƙwaƙwalwa, kuma hakan yana ba da wani nau'i na warkar da hankali ga 'yan uwan.

A shekara ta 2015, ya hadu da Shugaba Barack Obama a Amurka ta hanyar Mandela Washington Fellowship domin tasirin jagoranci wajen amfani da zane-zane don inganta rayuwar mutane a cikin al'ummomi kuma, a shekarar 2019, ya sami karbuwa ta duniya a Amurka(U.S) yayin da 2 ga watan Agusta ya ayyana a matsayin "Kunle Adewale Day" daga Magajin garin Cincinnati, John Cranley, don nuna godiya ga gudummawar da ya bayar ga Amurka a fannoni biyu na Fasaha da Magunguna.

Rayuwar farko da ilimi

An haifi Adewale a ranar 13 ga watan Mayu 1981 a matsayin yaro na tara a cikin iyalin yara goma sha huɗu a Mushin, wani yanki na Jihar Legas inda ya je ya kammala karatun firamare da sakandare a Makarantar Firamare ta Mushin Mainland Model kafin ya je Makarantar Sakandare ta St. Joseph Boy, Surulere, Legas. Bayan haka, ya je Auchi Polytechnic don nazarin Painting da General Arts kuma daga baya ya sami digiri na farko a Fine and Applied Arts daga Jami'ar Obafemi Awolowo, Ile-Ife. Ya ci gaba da karatun Civic Leadership daga Jami'ar Tulane, New Orleans, a shekarar 2015 da kuma Arts in Medicine summer intensive daga Jami'an Florida.