Leo Segun Ajiborisha

Leo Segun Ajiborisha
Ɗan Adam
Bayanai
Jinsi	namiji
Ƙasar asali	Najeriya
Suna	Leo
Yaren haihuwa	Yarbanci
Harsuna	Turanci, Yarbanci da Pidgin na Najeriya
Sana'a	ɗan siyasa
Muƙamin da ya riƙe	Gwamnan Jihar Osun
Ƙabila	Yarbawa
Military rank (en)	Janar

Leo Segun Ajiborisha ya kasance shugaba na farko a jihar Osun a Najeriya bayan an ƙirƙiro ta daga wani ɓangare na jihar Oyo a cikin watan Agustan 1991 a lokacin mulkin soja na Janar Ibrahim Babangida.

Ɗaya daga cikin abubuwan da Ajiborisha ya fara yi a matsayin Gwamnan Osun shi ne kafa kamfanin yaɗa labarai na jihar Osun. Tashar rediyon da ke Ile-Ife ta fara fitowa ne a ranar 25 ga watan Nuwamban 1991 Ya ƙaddamar da Hukumar Kula da Ma’aikata ta Jihar Osun a ranar 30 ga watan Satumban 1991. Ya miƙa wa zaɓaɓɓen gwamnan farar hula Isiaka Adetunji Adeleke a cikin watan Janairun 1992 a farkon jamhuriya ta uku ta Najeriya.

Daga baya ya zama Daraktan Ayyuka, Hedkwatar Tsaro, sannan ya zama Babban Hafsan Sojoji ga Janar Abdulsalami Abubakar daga 1998 zuwa 1999. A matsayinsa na tsohon shugaban sojoji, an buƙaci ya yi ritaya daga aikin soja a cikin watan Yunin 1999 a farkon jamhuriya ta huɗu ta Najeriya,

A cikin watan Afrilun 2008 Hukumar Yaƙi da yi wa Tattalin Arziƙi Tu’annati ta wanke Leo Ajiborisa daga zargin cin hanci da rashawa da ya shafi mallakar wani katafaren mai da wasu kamfanoni biyu na Legas suka yi. A cikin shekara ta 2010 ya kasance shugaban ƙasa kuma shugaban majalisar zartarwa na Cibiyar Gudanar da Dabaru ta Najeriya.