Malcolm Dyani

Malcolm Dyani
Rayuwa
Haihuwa	14 ga Faburairu, 1945 (80 shekaru)
ƙasa	Afirka ta kudu
Karatu
Harsuna	Turanci
Sana'a
Sana'a	ɗan siyasa da anti-apartheid activist (en)

Malcolm Mbonisi Zamekile Dyani (an haife shi a ranar 14 ga watan Fabrairu 1945) ɗan siyasan Afirka ta Kudu ne mai ritaya kuma tsohon mai fafutukar yaƙi da nuna wariyar launin fata. Ya yi aiki a Majalisar Dokoki ta ƙasa daga shekarun 1994 zuwa 2004, in ban da takaitaccen lokaci a shekarar 1999. Ya kasance memba a jam'iyyar Pan Africanist Congress (PAC), ya sauya sheƙa zuwa jam'iyyar African National Congress (ANC) a shekarar 1999.

Rayuwar farko da gwagwarmaya

An haifi Dyani a ranar 14 ga watan Fabrairu 1945 kuma ya girma a ƙauyen Duncan a tsohuwar lardin Cape. Ya kasance mai shirya ɗalibai na PAC, wanda gwamnatin nuna wariyar launin fata ta haramta a shekarar 1960, kuma an tsare shi a tsibirin Robben daga shekarun 1963 zuwa 1978 saboda gwagwarmayar sa. Bayan da aka sake shi, a cikin shekarar 1980s, ya shiga cikin yakin neman sake tabbatar da kasancewar PAC a yankin Gabashin Cape na yau, yana aiki tare da Benny Alexander da sauran su kan shirye-shiryen ilimin siyasa.

Aikin majalisa

A cikin babban zaɓe na shekarar 1994, an zaɓi Dyani a kujerar PAC a Majalisar Dokoki ta Ƙasa. Ya yi aiki a kujerar har zuwa farkon watan Afrilun 1999, lokacin da ake tunkarar babban zaɓen shekarar, ya yi murabus daga PAC ya koma ANC. Ya zargi PAC da yin aiki kamar jam'iyyar Democrat. Lokacin da aka gudanar da zaɓen a watan Yunin 1999, an zaɓe shi a karo na biyu a majalisar dokokin ƙasar ƙarƙashin tutar jam’iyyar ANC.