Naomi Nhiwatiwa

Naomi Nhiwatiwa
Rayuwa
Haihuwa	Mutare, 15 ga Afirilu, 1941
Mutuwa	12 ga Afirilu, 2012
Sana'a
Sana'a	ɗan siyasa
Imani
Jam'iyar siyasa	ZANU-PF

Naomi Pasiharigutwi Nhiwatiwa (15 Afrilu 1941 - 12 Afrilu 2012) 'yar gwagwarmayar samun 'yancin kai ta Zimbabwe ce kuma ministar majalisar ministoci. A cikin shekarar 1990s, ta yi aiki na tsawon lokaci a matsayin darekta tare da Hukumar Lafiya ta Duniya a Brazzaville, Kongo.

Tarihin Rayuwa

An haife ta a Umtali (wanda aka sake masa suna Mutare a shekarar 1982), ta yi karatu a Amurka a Jami’ar Jihar New York da ke Buffalo, inda ta sami digirin digirgir a fannin sadarwa tsakanin al’adu da diflomasiyya a shekarar 1979. A ƙarshen shekarun 1970, ta halarci taron farko na kungiyar mata ta ZANU-PF a Shai Shai a Mozambique. Ta zama mai magana da yawun jam'iyyar, mai son inganta 'yantar da mata. Bayan samun ‘yancin kai a ƙasar Zimbabwe a shekarar 1980, Nhiwatiwa na ɗaya daga cikin mata biyar da suka zama ‘yan majalisar dokoki a jam’iyyar ZANU-PF mai mulki. Tare da Joice Mujuru (daga baya mataimakiyar shugaban ƙasa tsakanin shekarun 2004 - 2014) da Victoria Chitepo, a matsayin mataimakiyar ministar aiyuka da sadarwa, ta kasance ɗaya daga cikin 'yan majalisar ministocin ƙasar Zimbabwe.

A cikin shekarar 1988, ta bar gwamnatin Zimbabwe ta zama babbar jami'ar Unicef a Nairobi, Kenya. Ta koma Brazzaville a shekarar 1993 a matsayin darekta mai kula da hulɗar waje na Hukumar Lafiya ta Duniya na Yankin Afirka. A cikin shekarar 1998, ta zama babban mai ba da shawara ga Majalisar Ɗinkin Duniya a New York.

Bayan ta yi ritaya daga Majalisar Ɗinkin Duniya a shekara ta 2001, Nhiwatiwa ta zama ma’aikaciyar agaji, ta kafa gidan marayu na Zerapath AIDS a Harare. Ta kuma kasance malama mai ziyara a Jami'ar Pepperdine da ke California. Naomi Nhiwatiwa ta mutu a South Bend, Indiana, a ranar 12 ga watan Afrilu 2012.