Tunawa da Bautar bayi na Majalisar Dinkin Duniya

Tunawa da Bautar bayi na Majalisar Dinkin Duniya
sculpture (en) da memorial (en)
Bayanai
Ƙasa	Tarayyar Amurka
Shafin yanar gizo	unslaverymemorial.org
Wuri
40°45′02″N 73°58′01″W

Alamar Tunawa da Bautar Bayi na Majalisar Dinkin Duniya, wanda aka fi sani da The Ark of Return - Tunawa na Dundundun a Majalisar Dinkin Duniya don Karrama Waɗanda aka Cutar dag Bautarwar Bayi da kuma Cinikayyar Bayi ta tsakanin Tekun Atalanta, shigarwa ce a Plaza na Baƙi na Hedikwatar Majalisar Dinkinobho a Birnin New York, wanda aka yi niyya a don tunawa ta dindindin game da tasirin bautar bayi da cinikin bayi na ketaren Tekun Atalanta. Rodney Leon ne ya tsara shi, masanin gine-ginen Haiti-Amurka, kuma an kafa shi a cikin shekara ta 2015.

Ya haɗa da manyan abubuwa guda uku: babban siffar triangle tare da taswirar da ke nuna Cinikin bayi na triangle; siffar mutum da ke nuna waɗanda aka kai su kasashen waje a matsayin bayi; da kuma tafkin da ke nunawa yana nufin girmama ƙwaƙwalwar waɗanda suka mutu a cikin bautar.[1]

Bayyanawa

An samo sunan abin tunawa daga gidan sarauta a tsibirin Gorée, Senegal, inda aka tsare bayi kafin a tura su a fadin teku. Ɗaya daga cikin hanyoyin fita daga gidan sarauta an san shi da "ƙofar babu dawowa".Ana nufin abin tunawa ya zama "wurin ruhaniya na dawowa".

Tsarin, wanda ake nufi da nuna siffar Jirgin bayi, yana da tsayin taku 30(ft) kuma an yi shi da bangarorin farin marmara na triangle an masa ginshiki da ƙarfe, wanda ke wakiltar hanyoyin jigilar bayi mai sifar triangle. An saka taswirar da ke nuna waɗannan hanyoyin a zane a cikin ɗaya daga cikin bangarorin daga ciki. Baƙi suna iya tafiya ta cikin ginin, suna wakiltar tafiye-tafiye yayin cinikayyar bayi.

Har ila yau, a cikin ginin akwai wani mutum-mutumi a kwance mutum da aka sassaƙa daga baƙar granite na Zimbabwe, wanda ake nufi don wakiltar "ruhun ɗan adam" da rasa rayukan duk waɗanda suka mutu saboda cinikin bayi. Daga saman mutum-mutumin akwai hoton da aka zana na jirgin bayi mai cike da mutane. Hawaye suna gudana a fuskar mutanen zuwa cikin tafkin mai kusurwa uku.

Tarihi

Dabarar Alamar Tunawa da Bautar Bayi ya fito ne daga ƙuduri daban-daban da Majalisar Dinkin Duniya ta karɓa ciki har da A / RES / 62/122, A / Res / 63/5, da kuma Durban Declaration.

An zaɓi masanin gine-ginen Haiti da Amurka Rodney Leon don tsara alamar tunawar a cikin 2013, ƙirar sa ta lashe daga cikin jimlar shigarwa 310 daga ƙasashe 83. An ambaci Nicolas Grun da Pierre Laurent a matsayin masu cin nasara na biyu don ƙirar su, Mémorial d"Ebène, kuma an ambaci ayyuka biyu a matsayin masu nasara na uku: Sofia Castelo's Middle Passage, da The Wounded Earth, wanda Carlo Gondolfi, Paola Passeri, Alessandra Ripa, da Monica Sacchetti suka tsara.