Ulla Isaksson

 

Ulla Isaksson
Rayuwa
Haihuwa	Stockholm, 12 ga Yuni, 1916
ƙasa	Sweden
Mutuwa	Stockholm, 24 ga Afirilu, 2000
Ƴan uwa
Abokiyar zama	David Isaksson (en)
Karatu
Harsuna	Swedish (en)
Sana'a
Sana'a	marubuci da marubin wasannin kwaykwayo
Kyaututtuka	gani Signe Ekblad-Eldh Award  (1973) Selma Lagerlöf Prize  (1995) De Nio's Special prizes  (1999)
Mamba	Royal Society of Arts and Sciences in Gothenburg (en)
IMDb	nm0410694

Ulla Isaksson (an haife ta a ranar 22 ga watan Yuni, shekara ta 1916, ta kuma mutu a ranar 24 ga watan Afrilu shekarar 2000) marubuciya ce kuma 'yar kasar Sweden. An haife ta kuma ta mutu a garin Stockholm, kasar Sweden . Baya ga gajerun labaru da litattafanta, Isaksson ta kuma rubuta rubutun fina-finai da wasan kwaikwayo.

Farkon Rayuwa da karatun ta

An haifi Isaksson a garin Stockholm a shekara ta 1916, ta kasance 'yar Knut Lundberg da Greta Brasch, mahaifiyar ta, wacce ta kasance memba na cocin Immanuelkyrkan; wanda hakanne ya sa Isaksson ta taso da hali mai karfi na addini, wanda ya nuna a litattafan da ta rubuta na farko. Isaksson ta kammala karatun ta daga makarantar sakandare a 1937; daga nan sai ta fara karatun falsafa. A shekara ta gaba ta auri David Isaksson . An ba ta digiri na girmamawa na Dokta na falsafar a shekarar 1978.

Aiki

A cikin shekarar 1940 Isaksson ta yi labari Trädet kuma a cikin 1952 ta sami nasarar ta a bainar jama'a ta hanyar labarin Kvinnohuset, wanda Erik Faustman ya yi fim a kai. Ingmar Bergman ta daidaita littafinta na Det vänliga, värdiga (1954) a cikin shekarar 1958, bayan haka ya ɗauki Isaksson inda ta rubuta wasan kwaikwayo na fim ɗin Jungfrukällan (1960). Littafin nata Klänningen Vilgot Sjöman ne ya daidaita shi a cikin 1964, Paradistorg ya zama fim a shekarar 1977, wanda Gunnel Lindblom ya jagoranta, kuma Bergman ya yi fim ɗin a talabijin na labarin littafin ta De två saliga (1962).

Yawancin litattafan Isaksson na shekarun 1950 suna dauke da matsalolin addini, kamar yadda a ƙarshen littafin Havet da Dit du icke vill, inda a ciki aka kwatanta gwajin sihiri na ƙarni na 17 a ƙauyen Dalarna na tushen ƙa'idodin zamani. A cikin litattafanta na baya tayi rubutun ta na farko game da rikice-rikicen addini . A cikin litattafan ta na baya kuma ta jagoranci bincike kan abubuwan sha'awa, matsalolin duniya, batutuwan mata, da tarbiyyar iyaye .