Veronica Koman

Veronica Koman (an haife ta 14 Yuni Shekara ta 1988) yar gwagwarmayar kare haƙƙin ɗan adam ’yar Indonesiya ce kuma lauya, wacce aka sani da yada bayanai kan lardunan Papua da West Papua. An ba ta lambar yabo ta Sir Ronald Wilson Human Rights Award a watan Oktoba shekara ta 2019.

Tarihin rayuwa

An haifi Koman a Medan, Arewacin Sumatra a ranar 14 ga Yuni 1988. Ta kammala karatu daga fannin shari'a a Jami'ar Pelita Harapan. A shekara ta 2016, ta sami tallafin karatu na gwamnatin Indonesia don ci gaba da karatu a Jami'ar Kasa ta Australia, ta kammala karatu tare da masters a fannin shari'a a watan Yulin shekara ta 2019. Baya ga gwagwarmayarta a Papua, ta kuma yi aiki a matsayin lauya ga masu neman mafaka daga Afghanistan da Iran. A watan Mayun shekara ta 2017, ta halarci zanga-zangar neman a saki tsohon gwamnan Jakarta Basuki Tjahaja Purnama daga gidan yari, kuma ta ba da jawabin sukar gwamnatin Joko Widodo.

A watan Satumban shekara ta 2019, 'yan sandan Indonesiya sun bayyana sunan Koman wanda ake zargi a karkashin dokar bayanai da na mu'amalar lantarki ta kasar bisa zargin "tazarta" da kuma " yada labaran karya". Tana Ostiraliya a lokacin kuma ta ki komawa Indonesia. Indonesia ta yi barazanar neman Interpol da ta ba ja sanarwa don kama ta.