Yohanna Kure

Yohanna Kure
Rayuwa
ƙasa	Najeriya
Harshen uwa	Hausa
Mutuwa	2 Nuwamba, 2023
Karatu
Harsuna	Turanci Hausa
Sana'a
Sana'a	ɗan siyasa da minista
Digiri	Janar

Yohanna Yarima Kure (?? - 2 ga watan Nuwamba, shekarar 2023) ya kasance jami'in sojoji ɗan Najeriya. Ya kasance memba na Majalisar Sojoji (1985-1987) a farkon gwamnatin Ibrahim Babangida kuma ya kasance memba na Babban Kwamitin Sojojin Najeriya (1983-1985) a cikin gwamnatin soja ta Buhari.

Kure tsohon Janar ne na Kwamandan (GOC) na 82nd Division, Enugu kuma 2nd Mechanized Division, Ibadan.

Rayuwa

Kure ya fito ne daga Kurmin Musa a yankin karamar hukumar Kachia, ta kudu, Jihar Kaduna, Najeriya. Ya halarci Makarantar Sakandare ta provincial (1957 - 1962) kuma ya kammala karatu tare da Takardar shaidar Makarantar Yammacin Afirka(WASC). A shekara ta 1963, ya shiga Kwalejin Horar da Sojojin Najeriya kuma ya ci gaba da horo na soja a Makarantar Jami'in Cadet, Portsea, Australia. A shekara ta 1982, ya halarci wani course a Cibiyar Nazarin Manufofin Kasa da Dabaru inda ya rubuta takarda, Logistics in Military Campaign: A case Study of the Nigerian Civil War .

An nada Kure a matsayin Lieutenant a shekarar 1966, Kyaftin a shekarar 1969 da kuma Manjo a shekarar 1970. An ɗaukaka shi Lt. Col a 1975 kuma ya zama Colonel a 1980. A shekara ta 1983, an nada shi zuwa matsayin Brigadier. Kure ya kasance memba na Kotun Soja ta Musamman wacce ta yanke hukunci kan wadanda ake zargi da shiga juyin mulkin Mamman Vatsa na 1986. A shekara ta 1990, shi ne shugaban Kotun ta Biyu wanda ya yi shari'ar wadanda ake zargi da su na Gideon Orkar da ya jagoranci juyin mulki a shekara ta 1990. Bayan nadin Salihu Ibrahim a matsayin Babban Jami'in Sojoji, Kure da sauran Janar din da suka fi Ibrahim matsayi sun yi ritaya. Ko da yake, Babangida ya ba shi mukamin minista bayan ya yi ritaya. Ya kasance Ministan Al'adu da Kiwon Lafiyar Jama'a a 1990 kuma an sake tura shi zuwa Ma'aikatar Wasanni a 1992. Ya mutu a ranar 2 ga watan Nuwamba, shekarar 2023.