Zohran Mamdani

Zohran Mamdani
member of the New York State Assembly (en) 1 ga Janairu, 2021 - ← Aravella Simotas (mul) District: New York Assembly district 36 (en)
Rayuwa
Cikakken suna	Zohran Kwame Mamdani
Haihuwa	Kampala, 18 Oktoba 1991 (34 shekaru)
ƙasa	Uganda Tarayyar Amurka
Mazauni	Astoria (mul)
Ƙabila	Indian Americans (en) Ugandan Americans (en)
Ƴan uwa
Mahaifi	Mahmood Mamdani.
Mahaifiya	Mira Nair
Abokiyar zama	Rama Duwaji (mul)  (ga Faburairu, 2025 -
Karatu
Makaranta	St. George's Grammar School (en) Bronx High School of Science (en) Bank Street College of Education (mul) Bowdoin College (en) 2014) Bachelor of Arts (mul) : Africana studies (en)
Harsuna	Turanci Harshen Hindu Swahili (en) Luganda (en) Yaren Sifen Larabci
Sana'a
Sana'a	ɗan siyasa, housing counselor (en) , rapper (en) da social activist (en)
Wurin aiki	Albany (mul) da New York
Kayan kida	murya
Imani
Addini	Shi'a
Jam'iyar siyasa	Democratic Party (en) Democratic Socialists of America (en) Working Families Party (en)
IMDb	nm8421715
transition2025.com

Zohran Kwame Mamdani (an haife shi a ranar 18 ga watan Oktoba, 1991) ɗan siyasa ne, ɗan asalin Uganda da Indiya wanda yake zaune a Amurka. Shi ne ɗan majalisar jiha a New York mai wakiltar Gunduma ta 36, wanda ya haɗa yankuna irin su Astoria da Birnin Long Island a Birnin New York. Mamdani ɗan jam’iyyar Democrat ne, kuma yana daga cikin mambobin Democratic Socialists na Amurka. A shekarar 2025, ya tsaya takara don zama Magajin Garin Birnin New York.

Rayuwar farko da ilimi

Zohran Mamdani an haife shi a Kampala, babban birnin Uganda. Mahaifinsa, Mahmood Mamdani, sanannen masanin siyasa ne kuma malami, yayin da mahaifiyarsa Mira Nair fitacciyar mai shirya fina-finai ce ta Indiya. Iyalinsa sun koma Amurka tun yana ƙarami. Ya halarci Kwalejin Bowdoin a Maine, inda ya karanci Africana. Bayan kammala karatunsa, yayi aiki a matsayin mai taimakon jama’a da kuma mai shirya harkokin al’umma a New York.

Siyasa

Mamdani a wajen gangamin adawa da wariyar launin fata a Bryant Park, Oktoba 27, 2024

A matsayinsa na ɗan majalisa, ya kasance mai tsayawa kan kare haƙƙoƙin masu haya, rage farashin sufuri, da tallafawa masu karamin karfi. Har ila yau, yana da ra’ayin “democratic socialist”, wato ra’ayin dake neman daidaito a tsakanin talakawa da masu kuɗi.

Manufofi

1. Gidaje masu arha: Mamdani yana goyon bayan tsare-tsaren da za su kare masu haya daga hauhawar farashin haya da kuma hana korar su daga gidajensu.
2. Sufuri kyauta: Ya yi kira da a fara shirin gwaji na sufuri kyauta (free bus pilot) domin rage wa jama’a wahala.
3. Abinci mai rahusa: Ya nemi gwamnati ta bude kantunan abinci a kowanne yanki na birnin domin rage tsadar kayan abinci.
4. Kare ma’aikata: Ya goyi bayan dokokin dake kare hakkin ma’aikata masu motar haya, musamman bayan matsalolin bashi na "taxi medallion".

Takarar Magajin Garin New York

A shekarar 2025, Mamdani ya sanar da aniyarsa ta tsayawa takarar Magajin Garin Birnin New York a karkashin jam’iyyar Democrat. Ya samu goyon baya daga matasa da masu ra’ayin canji a Siyasa.

A watan Yuni shekarata 2025, ya lashe zaben sharar fage na jam'iyyar Democrat, inda ya doke tsofaffin shahararrun yan siyasa, wannan nasara ta sashi cikin manyan ‘yan takarar da ke neman kujerar Magajin Gari.

Rayuwa ta kashin kai

Zohran Mamdani yana zaune a Astoria, Queens, tare da matarsa. Yana magana a fili game da adalcin jama’a, yaƙi da wariya, da kuma kare marasa ƙarfi. Tushen rayuwarsa daga Uganda, Indiya da Amurka hakan ya sa ya zama ɗaya daga cikin ‘yan siyasa da ke haɗa al’adun duniya cikin ra’ayinsa na adalci da hadin kai.

Girmamawa da tasiri

Mamdani yana daga cikin sabbin matasan siyasa da suka kawo sauyi a tsarin siyasa na New York. Ra’ayinsa na siyasa ya jawo hankalin al’umma, musamman matasa da ma’aikata, kuma yana daga cikin fitattun ‘yan Democratic Socialists na Amurka a halin yanzu.