Zoubida Assoul

Zoubida Assoul
Rayuwa
Haihuwa	Tebessa, 15 Mayu 1956 (69 shekaru)
ƙasa	Aljeriya
Karatu
Makaranta	University of Constantine 1 (mul)
Harsuna	Larabci na Aljeriya Faransanci Turanci Shawiya language
Sana'a
Sana'a	ɗan siyasa da lauya
Imani
Jam'iyar siyasa	Union for Change and Progress (en)

Zoubida Assoul ( ;an haife ta a ranar 15 ga watan Mayu na shekara alif 1956) lauyace ta ƙasar Aljeriya kuma 'yar siyasa ce . Ita ce shugabar jam'iyyar Union for Change and Progress Party kuma an san ta da rawar da ta taka wajen bayar da shawarwari ga sauye-sauyen dimokuraɗiyya da 'yancin ɗan adam a Aljeriya. Assoul ta bayyana aniyarta ta tsayawa takarar shugabar ƙasa a zaɓen shugaban ƙasa na shekarar 2024.

Rayuwar farko

An haifi Assoul a Tébessa a shekara ta 1956. Mahaifinta, Assoul Tebessi, malamin addini ne.

Ilimi da aiki

A shekara ta 1976, Assoul ta kammala karatun sakandare, inda ta sami digiri na farko a fannin adabi a Khenchela. Ta kuma yanke shawarar neman aiki a fannin shari'a kuma ta shiga Jami'ar Constantine.

A shekarar 1980 ta kammala karatu daga jami'a inda ta samu digiri a fannin shari'a. Bayan kammala karatun ta, ta yi nasarar cin jarabawar shiga gasar majistare.

Aikin doka

A cikin shekara ta 1982, Assoul ta sami aiki a matsayin alkali na iyali. A can, ta shaida kararraki da dama da suka shafi batun 'yancin mata a Aljeriya.

A shekarar 1987, Zoubida Assoul ta zama mace ta farko da aka nada a matsayin babbar manaja a ma'aikatar shari'a. Daga baya ta yi aiki a matsayin sufeto har zuwa shekara ta 1993 sannan ta zama shugabar karatu a babbar sakatariyar gwamnati a shekarar 1994.

Siyasa

Daga shekarun 1992 zuwa 1994, ta kasance memba a majalisar ba da shawara ta ƙasa (wata kungiya mai ba da shawara) sannan daga shekarun 1994 zuwa 1997 majalisar riƙon kwarya ta kasa, majalisar rikon kwarya bayan juyin mulkin Algeria a shekarar 1992. A shekara ta 2000, ta zama mai ba da shawara ga Shugaban Majalisar Ɗinkin Duniya. Ta kuma shiga cikin 2019 Hirak, jerin zanga-zangar adawa da yanayin siyasa.

Ya zuwa shekarar 2024, ta sanar da takararta na zaɓen shugaban ƙasar Aljeriya a shekarar 2024.