Zuleikha Hassan

Zuleikha Hassan
Member of the National Assembly (en) 31 ga Augusta, 2017 - District: Kwale County (en) Election: 2017 Kenyan general election (en) Member of the National Assembly (en) Member of the National Assembly (en)
Rayuwa
ƙasa	Kenya
Karatu
Makaranta	Jami'ar Cape Town
Harsuna	Turanci
Sana'a
Sana'a	ɗan siyasa
Imani
Jam'iyar siyasa	Orange Democratic Movement (en)

Zuleikha Hassan ƴar siyasa ce ta ƙasar Kenya. Ita mamba ce a ƙungiyar Orange Democratic Movement kuma wakiliyar mata ta gundumar Kwale kuma 'yar majalisar dokoki.

Shekarun farko da ilimi

Hassan ta halarci Kwalejin Coast da Cibiyar Karatu ta Gaborone inda ta sami iliminta na O-Level. A Legae Academy da ke Gaborone, Botswana, ta sami karatun sakandare. Tana da kuma digiri na farko a fannin Ci gaba da Sauyin Al'umma daga Jami'ar Cape Town, Afirka ta Kudu.

Aiki

A halin yanzu Zuleikha Hassan ƴar majalisa ce a gundumar Kwale, muƙamin da ta riƙe tun daga shekarar 2017. Ta kasance mai kula da matasa na ƙasa na ƙungiyar Orange Democratic Movement (ODM) har zuwa shekarar 2008, lokacin da aka ɗaukaka ta a matsayin Mataimakiyar Shugabar Matasa ta Ƙasa ta jam'iyyar. Ita ce ta kafa kuma shugabar ƙungiyar mata Musulmi ta Taqwa, Mariakani. Ta haɗu da kafa ƙungiyar matasa ta Inter Party Forum a Kenya kuma ita ce mai kula da shirye-shiryen ƙungiyar ilimi da walwalar musulmi (MEWA).

A ranar 7 ga watan Agustan shekarar 2019, an kore ta daga Majalisar Dokoki saboda kawo jaririnta mai watanni biyar zuwa zauren Majalisar Dokoki. Don nuna rashin amincewarsu da cire ta, 'yan majalisa da dama sun fita daga Majalisar a wannan rana. Wannan lamari ya bazu a shafukan sada zumunta kuma ya haifar da muhawara.

Rayuwa ta sirri

Zuleikha Hassan tana da aure, kuma tana da 'ya'ya uku.