Ahmed Nuhu Bamalli
 Ahmed Nuhu Bamalli | |
|---|---|
 | |
| Rayuwa | |
| Haihuwa | Zariya, 8 ga Yuni, 1966 (57 shekaru) |
| ƙasa | Najeriya |
| Ƙabila | Hausawa |
| Harshen uwa | Hausa |
| Karatu | |
| Makaranta | Jami'ar Ahmadu Bello |
| Harsuna |
Turanci Hausa Pidgin na Najeriya |
| Sana'a | |
| Sana'a | Mai wanzar da zaman lafiya |
Ahmed Nuhu Bamalli (an haife shi 8 ga watan Yuni, shekara ta alif ɗari tara da sittin da shida 1966) miladiya.
jami'in diflomasiyya ne na Najeriya, Banki, basaraken gargajiya kuma lauya sannan tsohon jakadan najeriya a kasar Thailand wanda shi ne Sarkin Zazzau na 19, masarautar gargajiya a Najeriya da ke da hedikwata a Zariya, Jihar Kaduna, Najeriya. Shi ne Sarki na farko daga gidan Mallawa da ke mulki tun bayan barin mulki a hannun gidan tsawon ƙarni daya baya, biyo bayan rasuwar sarkin lokacin a shekarar 1920 (shekara 100 baya) ga kakansa, Sarki Alu Dan Sidi.
Farkon Rayuwa Da Ilimi[gyara sashe | gyara masomin]
An haifi Ahmed a garin Kwarbai Zaria, jihar Kaduna, Najeriya. Shine ɗan fari ga Nuhu Bamalli . Ahmed ya yi karatu a Jami'ar Ahmadu Bello da ke Zariya inda ya samu lambar (LLB) a shekara ta 1989, sannan ya yi Digiri na biyu a kan Harkokin Ƙasa da Ƙasa da diflomasiyya daga jami'ar a shekara ta 2002. Ya sami difloma a fannin gudanarwa daga jami'ar kimiyya da fasaha ta jihar Enugu a shekarar 1998.
Ahmed yayi karatu a ɓangare da yawa na duniya; misali kan warware rikice-rikice a Jami'ar York (Birtaniya) a cikin shekarar 2009, Yayi Diploma a fannin jagoranci daga Jami'ar Oxford (UK) a shekara ta 2015. Ya kuma sami GMP daga jami'ar Harvard Business School, a shekara ta 2011.
Rayuwa Da Kwarewa[gyara sashe | gyara masomin]
Ahmed shi ne sarki na farko daga gidan mulkin Mallawa a cikin shekaru 100, bayan rasuwar Alh Shehu Idris.
Ya yi aiki a harkar banki kuma a matsayin Babban Darakta sannan daga baya ya rike mukamin Manajan Darakta na Kamfanin Kula da Tsaro da ɗab'i da ma'adanai na Najeriya.
Ya kasance kwamishina na dindindin a Hukumar Zabe Mai Zaman Kanta ta Jihar Kaduna a shekarar 2015. Har zuwa lokacin da aka nada shi a matsayin sabon sarkin Zazzau, Ahmed ya rike sarautar Magajin Garin Zazzau kuma ya yi aiki a matsayin Jakadan Najeriya a Thailand, tare da amincewa da Myanmar a lokaci guda.
Ya zama sabon sarkin Zazzau a ranar 7 ga watan Oktoba,shekara ta 2020. Shine ɗan fari na Nuhu Bamalli (Magajin Garin Zazzau).