Duba tsatso na Annabi Ibrahim

{{databox}}
Bisa ga Imanin Addinin Musulunci, Annabi '''Ibrahim''' ({{Lang-ar|إِبْرَاهِيْمُ|ʾIbrāhīm}}, Arabic pronunciation: [ʔɪbraːˈhiːm]) [[Annabawa a Musulunci|Annabi ne kuma manzo]] [[Allah]],<ref name="Sajjadi 2015">{{Cite encyclopedia|edition=Farhad}}</ref><ref>{{Cite Quran|87|19}}</ref> kuma Kaka ga Larabawa Isma'ilawa da Isra'ilawa.<ref name="Sajjadi 2015" /> Annabi Ibrahim ya bayar da babbar gudummuwa a matsayin misali na ban gaskiya cikin [[Yahudanci]], [[Kiristanci]], da [[Musulunci]].<ref name="Sajjadi 2015" /> 

A aƙidar [[musulmi]], Annabi Ibrahim ya cika dukkan dokoki da jarabawowin da Allah (SWT) ya raya shi a tsawon rayuwarsa. A sakamakon ban gaskiyar da yake da ita ga Allah, Allah ya yi wa Annabi Ibrahim alkawari cewa zai zama shugaba ga dukan al’ummai na duniya.<ref name="q2s124">{{Cite Quran|2|124}}</ref> [[Alqur'ani mai girma|Alkur'ani]] mai girma ya daukaka Annabi Ibrahim (AS) a matsayin abin koyi, mai biyayya ba mai bautar gumaka ba.<ref>{{Cite Quran|16|120}}</ref> 

A cikin wannan ma'ana, an kwatanta Annabi Ibrahim a matsayin wakiltar "mutum na farko a duniya ya mika wuya ga Haƙiƙanin Allahntaka kafin rarrabuwar ta zuwa addinan da suka rabu da juna ta hanyar bambance-bambancen tsari".<ref name="Glasse" /> {{Rp|18}}Musulmai sun yi imani da cewa Annabi Ibrahim da dansa Annabi Isma'il ne suka gina [[Kaaba|Ka'aba]] da ke garin [[Makkah|Makka]] a matsayin gidan ibada na farko a duniya.  

Ana gudanar da ranar [[Sallar Idi Babba|Idin Al-Adha]] mai tsarki a Musulunci don tunawa da yadda Annabi Ibrahim ya sadaukar da dansa bisa umarnin Allah, da kuma karshen aikin [[Aikin Hajji|hajji]] na Ka'aba. 
[[File:Timurid Anthology Zhertva.jpg|thumb|Sadaukarwar Annabi Ibrahim]]
[[Musulmai]] sunyi imani cewa Annabi Ibrahim, wanda aka fi sani da ''Khalilullah'' (Larabci: خليل الله Trans: abokin Allah), ya zama shugaban salihai a zamaninsa kuma ta hanyarsa ne Adnaniyawa - [[Larabawa]] da [[Isra'ila|Isra'ilawa]] suka zo. Ibrahim, a akidar Musulunci, ya bada gudummuwa kwarai da gaske wajen tsarkake duniya daga bautar gumaka a lokacin. 

Annabi Ibrahim ya kawar da maguzanci a cikin [[Yankin Larabawa|ƙasashen Larabawa]] da mutanen Kan'ana. Ya tsarkake wurare biyu a [[ruhaniya]] tare da tsarkake gidajen ibada ta jiki. Annabi Ibrahim da [[Annabi|Annabi Isma'il]] (Isma'il) sun kara kafa ayyukan hajji,<ref>{{Cite Quran|2|128}}</ref> wanda har yanzu musulmai suke bi. 

Musulmai sun yi iƙirarin cewa Annabi Ibrahim ya ƙara roƙi Allah ya albarkaci zuriyarsa, Annabi Isma'il da [[Annabi Ishaq|Annabi Is'haq]] ([[Ishaaq|Ishak]]), kuma ya kiyaye zuriyarsa gaba ɗaya cikin tsarin Allah.

==Manazarta==