Duba tsatso na Beguwa

{{databox}}
[[File:Porcupine 1 (PSF).png|thumb|bushieya ]]
[[Fayil:Porcupine (Columbia).jpg|thumb|Beguwa]]
[[Fayil:Puercoespines durmiendo en el Zoofari, Cuernavaca, Morelos.jpg|thumb|Beguwa]]
[[Fayil:North american porcupine.jpg|thumb]]
'''Beguwa''' ana kiranta da [[turanci]] da (''porcupine'') tana ɗaya daga cikin [[dabbobi]] masu ƙaya irin su [[bushiya]] da sauransu. Sai dai ita tata ƙayar tasha banban da sauran domin ita ƙayar ta tana amfani da ita wajen kare kanta daga harin waɗansu [[dabbobi]]n waɗanda suke [[farauta]]r [[nama]]. Ita dai beguwa kusan kashi biyu ce kuma ko wane ɓangare kusan baya kama da junansu. Ana samun beguwa a [[Nahiya|Nahiyar]] [[Asiya]] da kuma wani yankin [[Afirka]] sai dai beguwa [[Afirka]] sunfi girma kamar yadda bincike ya nuna.<ref>{{cite news|url=https://www.bbc.com/hausa/vert_earth/2016/05/160516_vert_earth_wildfire_makes_echidnas_go_to_sleep|publisher= bbc hausa|date=16 May 2016|accessdate=16 August 2021|title=Ka san wuta ba ta hallaka beguwa?}}</ref><ref>{{cite news|url=https://hausa.legit.ng/1150047-jerin-muhimman-kalmomin-hausa-20-da-maanar-su-a-harshen-turanci.html|date=4 February 2018|accessdate=16 August 2021|last=Ibrahim|first=Aminu|publisher=legit hausa|title=Jerin muhimman kalmomin hausa 20 da ma'anar su a harshen turanci}}</ref><ref>{{cite news|url=https://www.bbc.co.uk/programmes/p07y8vy1|date=18 December 2019|accessdate=16 August 2021|publisher=bbc.co.uk|title=Porcupine spines are enough to deter the most dangerous of predators.}}</ref>. 
[[File:Roosevelt in Africa 0008 Porcupine and Young.jpg|thumb|Beguwa da ƴaƴanta]]

==Girma da tsawon beguwa ==
Mafi yawan beguwa tsawon su baya wuce daga santimita 60-90 sai dawowa ƙasa sai kuma nauyin ta yana kaiwa har 24 shima zuwa ƙasa da hakan.
[[File:Porcupine 1 (PSF).png|thumb|matashiyar Beguwa]].

==Siffa da nau'in beguwa ==
[[Fayil:253 Histriko.svg|thumb|tabarin beguwa]]
Beguwa tana da ƙaya a bayanta ƙaya kuma mai tsawo da tsini gami da [[dafi]], haka kuma beguwa akwai mai toka-toka, sai mai ruwan ƙasa da kuma farar beguwa. Jinsin beguwa kusan kala 58 ne kamar yadda masu bincike suka faɗa, haka takan hau [[bishiya]]
[[File:Porcupine in tree.jpg|thumb|beguwa ta hau saman bishiya don cin ganyaye]]

==Abincin beguwa ==
Beguwa tana cin ganyaye haka kuma tana cin ciyawa kore shar, beguwa takan hau saman [[bishiya]] don neman [[abinci]]. Sai kuma beguwa takan ci ƙananan [[ƙwari]] irin su [[cinnaka]] [[fara]] [[Gara]] da dai sauransu.

==Ƙayar beguwa ==
Tsinin ƙayar  '''beguwa''' kala-kala ne ya danganta da jinsin/nau'in ta waɗannan ƙayoyin suna fitowa akan beguwa da bayanta da dai sauran sassan jikin ta da ƙaya take fitowa. Ƙayoyin beguwa sukan zubo a cikin lokaci-lokaci da kuma wani lokaci idan ta girgiza jikin ta, haka kuma takan kaiwa abokan gabanta hari da waɗannan ƙayoyin ta ɗin tana harbi dasu daga waje mai nisa duk da wasu suna ganin ba gaskiya bane a taƙaice tana kare kanta da waɗannan ƙayoyin har maharba takan harbe su da ƙayoyin ta. Haka waɗannan ƙayoyin akwai waɗansu anti-bayotik (antibiotics) waɗannan anti-bayotik suna taimaka wa beguwa a lokacin da ta samu wani rauni.[[File:Porcupine-quills.jpg|thumb|ƙayoyin beguwa masu tsinin gaske]].

==Naman Beguwa==
Duk da ba kasafai ba ake cin [[nama]]n Beguwa ba a ɗabi'un yammaci (Western culture) sai dai a gabashin [[Asiya]] inda yawancin mutanen wannan yankin suka ɗauka beguwa (naman ta) a matsayin [[Abinci]]. 
Haka idan muka dawo a irin Afirka masu [[magani]]n [[gargajiya]] suna amfani da ƙayoyin ta wajen yin tufafi da kuma ado da [[kwalliya]] irin ta ƴan gargajiya. Haka a waɗansu yankuna na [[Amirka]] suma na gargajiya suna amfani da ƙayoyin ta wajen yin hula da sauransu. 
Sai kuma a zamanance ana amfani da ita wajen yin jakar leda, kuben [[wuƙa]] sai kuma mata a ƙauye suna amfani da ƙayar beguwa wajen tsifar gashi (suma) a lokacin da suke so su canja [[kitso]].

==Mazaunin Beguwa==
Beguwa tafi zama a gurare masu zafi irin yankuna masu zafi a [[Asiya]] da kudancin yurop (southern Europe) [[Afirka]] da [[Arewa]] da kudancin [[Amirka]]. Beguwa tana rayuwa ne a daji a cikin kurmi, ko kuma a [[sahara]] da kuma irin gefen tsaunuka (hills) da duwatsu, don anyi bincike beguwa tana hawan [[tsauni]] sama da mita 3,700 (kusan 12,100ft) ta tsawo kenan. 
Beguwa tana fita ne da [[dare]] don [[kiwo]] da neman [[abinci]], Kodayake akwai wani [[lokaci]] takan fita har da [[rana]].
Maharba '''''Mafarauta'''' suna harbo beguwa daga daji da kayan [[farauta]] da sukeyin farauta dasu irin su [[bindiga]], [[takobi]], [[Adda]] da sauran su saɓanin sauran dabbobin daji suda har da sanda akan kashe su, amma ƙwararrun maharba (wato masu asiri) sukan shiga har ramen ta su kamota, su yankata.

==Manazarta==
{{reflist}}