Duba tsatso na Cutar Murar Tsuntsaye

{{Databox}}{{hujja}}
[[File:Possible_Swine_Flu_Victim_Mexico_City.jpg  |thumb| Mai yuwuwa daya daga cikin wanda ya kamu da cutar a cikin birnin Mexico]]
[[Fayil:KimberlyClarkSurgicalMaskBoiseVAMedicalCenter.jpg|thumb|murar tsuntsaye]]
'''Cutar Murar Aladu''' ita dai murar aladu da aka yiwa laƙabi da H1N1 an fara samun ɓullar ta ne a ƙasar [[Mexico]] da kuma [[Amurka]] a ranakun 23 da 24 ga watan afirilun shekara ta 2009. Hukumomin lafiya a Mexico ne suka fara bada rahoton mutanen da suka kamu da wannan cuta, wanda kafin kace kwabo kimanin mutane 854 sun kamu da alamun wannan cuta. Bayan gwaje-gwaje da bincike irin na likitoci daga bisani dai mutane a kalla 59 ne suka rasu a Mexico a cikin yan kwanaki ƙalilan. lamarin da ala tilas ya zamewa jami'an gwamnatin Mexico saka dokar hana yawo a biranen ƙasar domin tsagaita yaɗuwar cutar. Amma wannan mataki bai hana cutar bazuwa zuwa wasu ƙasashen duniya ba, musan man ƙasar Amurka da Canada da al'umomin su ke yawan zirga-zirga tsakanin ƙasashen juna. 

==Kokarin Kare Yaduwarta==
Kuma ganin yadda wannan cuta ke yaɗuwa kamar wutar daji yasa hukumar lafiya ta [[duniya]] WHO ta bayyana wannan cuta a matsayin annoba a duniya. Domin kuwa bayan wa'yancan ƙasashe na Amurka, sai cutar ta fara bazuwa zuwa sauran ƙasashen duniya daban-daban.
Ƙarshen ta ƙaitawa dai daga  watan na afirilu zuwa wannan lokaci cutar ta bazu zuwa ƙasashen duniya 206 ciki kuwa harda [[Najeriya]] da wasu ƙasashen [[afirka]] irin su [[Ghana]] da [[Afirka ta Kudu]] da [[Masar]]. A wata ƙididdiga da hukumar lafiya ta duniya WHO ta fitar ya nuna cewar aƙalla ba'a ƙasara ba, mutane fiye da dubu biyu ne suka rasu.

==Yadda cutar take==
Amma don gane da batun alamomi da banbancin cutar ta H1N1 da murar da aka sani ta sanyi da kuma murar tsuntsaye kuwa likitoci sun ce "wannan cutar ta murar aladun ana kamuwa da ita ne daga aladu kana daga bisani mutane suka fara kamuwa da ita. lamarin daya sa tafi ƙarfin duk wasu magunguna da aka sani dake maganin cutar murrar lokacin sanyi, ko bil'adama. Kuma banbancin ta da murar tsuntsaye shine kasancewar, ita murar aladu ta samo asali ne daga aladu, a yayinda murar tsuntsaye keda nasaba da tsuntsaye." Kuma alamun ta shine zazzaɓi mai zafi.

==Manazarta==
{{reflist}}
{{Stub}}