BBC Yoruba

BBC Yoruba

British Broadcasting Corporation (BBC) (Yoruba) sabis ne na Yarbanci na Sashen Duniya na BBC wanda ke da niyya ga al'ummomin Yarbawa da Jamhuriyar Benin da Togo na Najeriya da wasu kasashen Afirka da wasu tsirarun mutanen da ke zaune a kasashen waje. Yana ɗaya daga cikin sabbin harsuna 12 da aka ƙara zuwa shirye-shiryen BBC tare da Afaan Oromo, Amharic, Gujarati, Hausa, Igbo, Korean, Marathi, Pidgin, Punjabi, Telugu da Tigrinya.

Tarihi

Fabrairu, 19 2018 ita ce ranar da BBC ta kaddamar da BBC Yoruba. Wannan wani bangare ne na fadada sabbin harsuna goma sha biyu a karkashin tallafin Gwamnatin Burtaniya ta hannun Ofishin Harkokin Waje da Commonwealth (FCO) tare da zuba jari na Fam miliyan Dari biyu da tamanin da tara 289. Ana kiran wannan faɗaɗawa mafi girma na BBC tun cikin alif dari tara da arba,in 1940's kuma ya haɗa harshen Yarbanci da wasu harsunan Najeriya kaɗan saboda nasarar da BBC Hausa ta samu da aka gabatar shekaru sittin da suka gabata. Babban darakta na BBC, Tony. Hall, ya ce a wani bangare cewa:

Wannan rana ce mai cike da tarihi.ga BBC, yayin da muke sanar da fadada Sashen Duniya mafi girma tun daga shekarun 1940. Sashen Duniya na BBC abin ado ne a kambi - ga BBC da kuma Biritaniya.

Har ila yau, shugaban BBC na yammacin Afirka, Oluwatoyosi Ogunseye ya jaddada mahimmancin ƙara harsunan gida a cikin ayyukan BBC. Ya ce:

Muna da labarin BBC Hausa (Harshen Jihohin Arewa da ake magana da shi a Najeriya) shekaru da yawa kuma mun ga tasirin da ya yi da masu sauraronsa...Idan muka kalli Najeriya muna da al'umma mai al'adu daban-daban kuma BBC ta ga cewa yana da matukar muhimmanci. ba da duk wani dandali don sadarwa, dandalin yin hulɗa.

Watsa shirye-shirye

Wole Soyinka shi ne mutum na farko da ya watsa wata hira da BBC, kan kalaman da tsoffin shugabannin Olusegun Obasanjo da Ibrahim Babangida suka yi da Soyinka na cewa ba zai taba hada kan sa da hadakar Obasanjo ta kasa ba.

Cibiyar watsa labarai

Ofishin BBC a jihar Legas ita ce cibiyar watsa labarai ta BBC Yoruba da sauran sabbin ayyuka guda biyu; BBC Pidgin da BBC Igbo. An bude ofishin ne a watan Maris din shekarar 2018 bayan kafa karin sabbin Harsuna uku a Najeriya. Yana da gidan talabijin na TV, gidajen rediyo guda biyu da wurin da zai iya daukar mutane har 200. Ana kuma kallonta a matsayin hedkwatar BBC a yammacin Afirka.[15] Jamie Angus, Daraktan Sashen Duniya na BBC, ya halarci bikin kaddamar da ofishin, inda ya ce a wani bangare na cewa:

Abin godiya ne a gare mu da muka zo a yau don buɗe wannan ofishin, wanda zai zama hedkwatar ayyukanmu a yammacin Afirka. Zai zama fitila ga aikin jarida kuma don haka ina farin cikin sanar da shirinmu na jagoranci da horarwa ga 'yan jarida masu tasowa. Wannan wani bangare ne na gudummawar da BBC ke bayarwa wajen bunkasa aikin yada labarai da kwarewa a Najeriya, da yaki da ‘Labaran karya’ – kuma za mu amfana da fahimtar matasan ‘yan jarida a Afirka ta Yamma.