Muhammad Bara'u Mu'azu

Muhammad Bara'u Mu'azu
Rayuwa
Haihuwa	1974 (49/50 shekaru)
Sana'a

Alhaji Muhammad Barau Mu'azu II Sarkin Sudan na bakwai (Sarkin Kontagora) an haifeshi a shekarar 1974 a garin Kwantagora dake jihar Neja ga Iyalan marigayi Mu'azu Ibrahim. Jikan marigayi Sarkin Sudan Ibrahim Nagwamatse wanda ya shugabanci Masarautar ta Kontagora.

Karatu

Muhammad Bara'u Mu'azu II ya samu takardun shedar karatuttuka da dama a matakai daban-daban. Muhammadu Barau Mu'azu ya yi karatun firamare daga shekarar 1980 zuwa 1986 a makarantar firamare da ke garin Ibeto. Daga nan sai ya shiga makarantar sakandare a makarantar gwamnati ta Kontagora, inda ya yi karatu daga shekarar 1986 zuwa 1992. Daga 1994 zuwa 1997, Ya wuce Kwalejin Ilimi ta Tarayya dake Kontagora, inda ya samu takardar shaidar kammala karatun NCE.

Aiki

Ya yi aiki da Kamfanin Salwa Global, inda ya riƙe muƙamin Janar Manaja.

Mulki

Bayan rasuwar Sa'idu Namaska ba tsohon sarkin Sudan na Kontagora a shekarar 2021, kusan mutane 43 ne suka miƙa takardun neman kujerar sarautar Kontagora. Gwamnatin Abubakar Sani Bello ta amince da Muhammadu Barau Muazu II a matsayin magajin Marigayin, bayan da majalisar masu zaɓar sarki ta zaɓe shi. Kakansa, Mu'azu Ibrahim shi ne Sarkin Kontagora na 5, wanda ya shafe kimanin shekaru 13 a kan karagar mulki daga shekarar 1961 zuwa 1974. Sai dai sauran ƴan takarar ba su amince da zaɓen kujerar sarauta ba, don haka suka yanke shawarar kai kokensu a gaban kotu. Bayan kotu ta dakatar da naɗin nasa, shari’ar da kotun ta yi ta tabbatar da nadin nasa a matsayin sarkin Kontagora na bakwai.