Olusola Momoh

Olusola Momoh
Rayuwa
ƙasa	Najeriya
Karatu
Makaranta	Jami'ar jahar Lagos Makarantar Kasuwanci ta Harvard.
Harsuna	Turanci Yarbanci Pidgin na Najeriya
Sana'a
Sana'a	ɗan jarida, mai tsare-tsaren gidan talabijin da mai gabatar wa
Employers	Nigerian Television Authority Gidan Telebijin Channels

Olusola Momoh babbar jami'ar watsa labarai ce a Najeriya. Ita ce wacce ta kafa kuma mataimakiyar shugabar Channels Media Group, babbar kamfanin Channels Television . Momoh ta kammala karatun digiri na BSc a fannin sadarwa (labaran jarida) daga Jami'ar Legas . Tana kuma da takardar shaidar difloma a fannin aikin jarida daga UniLag.

A shekarar 2014, ta kasance cikin Shirin Mata na Jagoranci na Makarantar Kasuwanci ta Harvard .

Sana'a

Kafin ta kafa Channels Television sannan daga baya ta kafa Channels Media Group, Momoh ta kasance mai rahoto, mai watsa labarai da kuma furodusa a Hukumar Talabijin ta Najeriya, tsakanin 1979 da 1987. A wannan lokacin, ta samar da rahotanni da dama kan malalar mai .

Baya ga gogewarta ta watsa shirye-shirye, Momoh tana da shekaru bakwai na gogewa a fannin banki. Ta kasance Shugabar Sashen Harkokin Kamfanoni na Farko a Bankin Kasuwanci na Duniya (IMB). Daga baya, ta yi aiki a wasu sassan a IMB, ciki har da Ma'aikatar Baitulmali da Bashi.

Kyaututtuka

A shekarar 2019, Momoh ta sami digirin girmamawa na digirin digirgir a fannin gudanar da harkokin kasuwanci a Jami'ar Achievers, Owo, Jihar Ondo . [1] A watan Nuwamba na 2021, an karrama ta a matsayin daya daga cikin mata 20 masu karfi a taron shekara-shekara na Mata a fannin Gudanarwa, Kasuwanci da Ayyukan Jama'a wanda aka gudanar a Legas, Najeriya. [2] An kuma saka ta a cikin jerin "Mata Masu Iko a Aikin Jarida" na shekarar 2021 a Najeriya. [3]