Ina maku barka da zuwa shafina. Nine Ammarpad, ni cikakken Bahaushe ne kuma ɗaya daga cikin editocin Wikipedia. A kodayaushe ina alfahari da nuna ma mutane alfanun sa kai domin inganta muƙalolin Wikipedia ta harshen Hausa domin ci gaban ilimi da ma ƙara yaɗuwar harshen Hausa a faɗin duniya. Gyaran Wikipedia (ƙirkiro sabbin muƙaloli ko kuma inganta waɗanda ke akwai) bashi da wahala, amma kuma amfanin hakan baya misaltuwa.
Domin haɓaka wannan manhaja, na shirya taron Hausa Wikipedia a Kano a shekarar 2018 wanda shine taron farko akan hakan a duk faɗin Arewacin Najeriya. Daga nan wasu an shirya wasu tarukka ba adadi a wurare daban daban na sassan Najeriya.
Idan kai/ke bahaushe ne ko bahaushiya, ina gayyatar ku mu inganta wannan rumbun ilimin. Idan kuna buƙatar bayani, shawara ko ƙarin haske a kan Hausa Wikipedia ko yadda zaka taimaka, zaku iya tambaya ta a nan ko kuma ku tura man email ta ammarwikimediahausa.org domin tattaunawa sosai.
