Amina Inloes

Amina Inloes
Rayuwa
Haihuwa	Irvine,
Sana'a
Sana'a	mai falsafa
Imani
Addini	Musulunci

Amina Inloes ba’amurkiya ce malama, mai nazarin binciken ilimi, mai karantarwa, mai magana da jama’a, mai fassara kuma musuluma ‘yar Shi’a. Ta rubuta littafai da dama a kan abin da ya shafi Shi’a.

Rayuwa ta sirri

An haifi Inloes a garin Irvine, California, ƙasar Amurka.

Ilimi

Tana da digirin digirgir (PhD) a fannin ilimin addinin musulunci daga jami'ar Exeter akan hadisin Shi'a game da wasu mata da aka ambata a cikin Alkur'ani kafin zuwan Musulunci. Littafin karatunta na PhD, wanda aka gabatar a cikin shekarar 2015, yana da taken Tattaunawa akan Shaida Shi'i da Orthodoxy ta hanyar Canonizing Ideologies about Women in Shai'i Aḥādith Goma Sha Biyu akan Tarihin Tsarkakkun Pre-Islamic a cikin Kur'ani] ".

Amina Inloes ta girma ne a Kudancin California, Amurka. Sha'awarta ga addini ta fara ne lokacin da ta fara makarantar sakandare. Daga nan sai Amina ta gano addinin Musulunci inda ta kara yin nazari a kan litattafan addinin Musulunci da nassoshi musamman na Alkur’ani mai girma wanda hakan ya sa ta yi sha’awar zuwa matakin da ta dace. Ma Amina ta yanke shawarar zama musulma tana da shekaru 14 bayan ta fahimci yadda wannan addini yake da ma'ana da mahimmanci. Tun daga lokacin, Amina ta ci gaba da bincike kan addinin Musulunci, kuma ta zama abin koyi ga wadanda aka haifa a musulumci da wadanda suka musulunta. Ta fito a kafafen yada labarai na musulmi daban-daban don ba da labarin tafiyar da ta yi da kuma ilimin da ta samu.

Amina ta fara aikinta na ilimi ne da karatun kimiyyar kwamfuta a UC Berkeley, California.  A halin yanzu tana da digiri na biyu a fannin ilimin Islama, kuma a halin yanzu tan a yin digiri na uku a fannin ilimin addinin Musulunci. Amina tana aiki da islamic college da ke Landan a Sashen Bincike da wallafawa kuma tana koyarwa. A matsayinta na mai magana tana jin dadin tattauna batutuwan ruhi, mas’alolin da’a, mas’alolin akida, al’amuran tarihi da suka shafi zamanin Imamanci, ko al’amuran zamantakewa da ilimi da suka shafi al’umma baki daya. Amina tanada digiri na biyu a fannin ilimi kuma tana da gogewa sosai a makarantun islamiyya.