Byrd-Hagel Resolution

Byrd-Hagel Resolution
ƙuduri
Bayanai
Ƙasa	Tarayyar Amurka

Kudirin Byrd–Hagel ya kasance kuduri ne na Majalisar Dattijan Amurka da aka zartar gaba daya tareda ƙuri’ar 95–0, a ranar 25 ga Yulin 1997, wanda Sanata Chuck Hagel da Robert Byrd suka ɗauki nauyi. Ƙudurin ya bayyana cewa bai kamata Amurka ta rattaba hannu kan wata yarjejeniyar sauyin yanayi da zata bada umarnin taƙaita ko rage hayakin iskar gas ga kungiyar Annex I ba, saidai idan [shi], rage fitar da iskar gas ga Ƙungiyoyin Ƙasashe masu tasowa acikin lokacin yarda ɗaya', ko kuma zai haifar da mummunar illa ga tattalin arzikin Amurka. Wannan ya hana Amurka amincewa da yarjejeniyar Kyoto yadda ya kamata.

Tasiri

Duk da gaba ɗaya nassi na ƙudurin Byrd-Hagel, Jakadan Majalisar Ɗinkin Duniya Peter Burleigh ya sanya hannu kan yarjejeniyar Kyoto a madadin Gwamnatin Clinton a watan Nuwamba 12 1998. Saidai a ƙarshe gwamnatin Clinton ta hana yarjejeniyar samun amincewar majalisar dattawa saboda yuwuwar koma bayan siyasa da rashin amincewa.

A farkon gwamnatin Bush, Sanata Chuck Hagel, Jesse Helms, Larry Craig, da Pat Roberts sun rubuta wasiƙa zuwa ga Shugaba George W. Bush yana neman gano matsayinsa game da yarjejeniyar Kyoto da manufofin sauyin yanayi. Acikin wata wasiƙa mai kwanan ranar 13 ga Maris, 2001, shugaba Bush ya amsa da cewa "Nayi adawa da yarjejeniyar Kyoto saboda ta kebe kashi 80 cikin 100 na duniya, ciki harda manyan cibiyoyin jama'a irinsu China da Indiya, daga bin ka'ida, kuma za ta haifar da mummunar illa ga tattalin arzikin Amurka. Ƙuri'ar Majalisar Dattawa mai lamba 95-0, ta nuna cewa anyi ittifaƙi a sarari cewa yarjejeniyar Kyoto hanya ce da bata dace ba kuma ba tada inganci ta magance matsalolin sauyin yanayi a duniya.

A lokacin gwamnatin Obama, Amurka. sun bi manufofin sauyin yanayi kamar yarjejeniyar Copenhagen da yarjejeniyar Paris don ba da shawarar samar da ingantaccen gyara muhalli da ba da damar al'ummomi su yanke shawarar kansu dangane da alƙawuran da suka dace. Acikin labarin Time na 2015, tsohon Sakataren Tsaron Amurka Chuck Hagel ya bayyana cewa "Ya kamata majalisar ta taka rawar gani a tattaunawar - bata hanyar toshe yarjejeniyar ba, amma ta hanyar aika sabon kungiyar masu sa ido kan sauyin yanayi ta duniya don bayar da rahoto game da abubuwan da ke faruwa a Paris da kuma a yi nazari sosai kan tsare-tsaren yanayi na sauran ƙasashe".

Dokoki masu alaƙa

H.Res.211 ƙudiri ne na Majalisar Wakilan Amurka wanda aka gabatar tare da goyon bayan masu tallafawa 102 a ranar 31 ga Yuli, 1997. H.Res.211 ya cigaba da yin irin wannan harshe zuwa ƙudurin Byrd-Hagel wanda ya haifar da cewa yarjejeniyar Kyoto ya kamata (1) ta bada umarni da sababbin alkawurra don iyakance ko rage hayakin iskar gas ga Ƙungiyoyin Annex 1, saidai in yarjejeniya ko wata yarjejeniya kuma ta bada umarni na musamman. alkawurran da aka tsara don iyakance ko rage hayakin iskar gas don Ci gaban Ƙungiyoyin Ƙasa acikin lokacin yarda ɗaya; ko(2) haifar da mummunar cutarwa ga tattalin arzikin Amurka. Duk da farin jinin farko na kudurin daga karshe an mika shi ga kwamitin da ke kula da manufofin tattalin arziki da cinikayya na kasa da kasa inda ba a dauki wani mataki na gaba ba.