Cibiyar sadarwa ta Larabci don Bayanan 'Yancin dan Adam.

Cibiyar Larabci don Bayanan 'Yancin Dan Adam (ANHRI), kungiya ce mai zaman kanta wacce aka sadaukar da ita don inganta 'yancin faɗar albarkacin baki a duk faɗin Gabas ta Tsakiya da Arewacin Afirka. An kafa ta a cikin shekara ta 2004. ANHRI ta tattara wallafe-wallafe, kamfen, rahotanni, da maganganu daga kungiyoyin kare hakkin dan adam na Larabawa kusan 140 a duk fadin yankin, kuma ta sake buga su a cikin binciken yau da kullum a shafin yanar gizonta. Kungiyar ta mayar da hankali kan tallafawa 'yancin faɗar albarkacin baki, musamman ta hanyar intanet da kafofin watsa labarai, kuma ta yi aiki a madadin mutanen da aka dauka a matsayin wadanda aka tsare su saboda dalilai na siyasa.Har ila yau, ta yi kira game da tantancewa da gwamnatocin Larabawa suka yi.

A yau, akwai miliyoyin masu amfani da intanet a Gabas ta Tsakiya, amma har yanzu yana da wahala ga masu amfani su sami bayanai game da haƙƙin ɗan adam. ANHRI ta samar da babban shafin inda masu karatu na Larabci zasu iya samun hanyoyin haɗi da bayanai game da dukkan kungiyoyin kare hakkin dan adam da ayyukansu a yankin. Har ila yau, Cibiyar tana mai da hankali da neman fadada 'yancin faɗar albarkacin baki a intanet a yankin Gabas ta Tsakiya.

Dadi da kari, akwai wurare masu mahimmanci waɗanda ba wai kawai haramtacciyar ilimi ba ne a duniyar Musulunci da al'adu, amma kuma babu ƙungiyoyi a yankin a yau da za su yi aiki a kai, kamar, hukuncin kisa, da haƙƙin 'yan tsiraru na Kirista. Manufarmu ita ce ƙirƙirar sarari inda za a iya tattauna waɗannan batutuwan da sauran mahimman bayanai game da haƙƙin ɗan adam kyauta, kuma inda mutanen da ke da sha'awar waɗannan yankuna za su iya ƙirƙirar al'umma.

A watan Fabrairun shekara ta dubu biyu da takwas 2008, cibiyar sadarwa ta bude Katib blog, wanda ya ba da damar waɗanda ke cikin duniyar Larabawa su sami shafin yanar gizon Larabci wanda ba a tantance shi ba.

Gidan yanar gizon yana bada bayani game da hukunce-hukuncen kotu, muhimman shari'o'i, kundin tsarin mulki daga kasashe daban-daban, da ayyukan shari'a da suka dace da Duniyar Larabawa.

Gidan yanar gizon yana ba da jarida sau biyu a kowanni mako, kuma yana tattara rahotanni na labarai na Larabawa game da rikicin Darfur.  

A watan Nuwamba na shekara ta 2011, an bawa ANHRI lambar yabo ta Dignity ta Mutum ta 2011 ta Gidauniyar Roland Berger ta Jamus.[nl]

Kamfanin dillancin labarai na Associated Press ya ruwaito cewa a watan Janairun shekarar 2022, ANHRI ta ba da sanarwar cewa tana rufewa, tana zargin tsoratar da gwamnatin Masar.