Huguette Bello (an haife Bello a 24 ga watan Agustan shekarar 1950) 'yar siyasar Faransa ce daga Réunion .
Ta kasance tsohuwar memba ta Jam'iyyar Kwaminisanci ta Reunionese (PCR), ta rabu da jam’iyyar Kwaminisancin a 2012 kuma ta kafa jam'iyyarta, Na Réunion (Faransanci: Pour la Réunion, PLR).
Ta kasance mataimakiya a Majalisar Dokokin Faransa, yayinda take zaune a cikin ƙungiyar 'yan majalisa ta Gauche démocrate et républicaine (Democratic da Republican Left), wanda ya haɗa da Jam'iyyar Kwaminis ta Faransa (PCF) da sauran mataimakan hagu. Ta kasance a baya, daga 1997 zuwa 2002, a cikin ƙungiyar 'yan majalisa ta Radical-Citizen-Green Group , wadda ta haɗa da, Jam'iyyar Kwaminisanci ta Reunionese, Greens, da Radical-Socialists, amma ba PCF ba, da dai sauransu.
A shekara ta 1997, Bello ta zama mataimakiyar majalisa mace ta farko a Réunion lokacin da aka zabeta ta wakilci mazabar tsibirin ta biyu a Majalisar Dokokin Faransa. An sake zabar ta a shekara ta 2002, kuma a karo na uku a shekara ta 2007, a wannan lokacin ta sami kuri'u 34,911 (59.6%) a zagaye na biyu.[1]An sake zabar ta a shekarar 2012 da 2017.