Ibrahim Musa Gusau

Ibrahim Musa Gusau
Rayuwa
Haihuwa	1 ga Maris, 1964 (60 shekaru)
Sana'a

Ibrahim Musa Gusau (an haife shi a ranar 1 ga watan Maris shekarar 1964), manajan wasanni ne na Najeriya, wanda ya taɓa zama shugaban hukumar ƙwallon ƙafa ta Najeriya (NFF) tun daga shekarar 2022. Tsohon shugaban hukumar wasannin guje-guje da tsalle-tsalle ta Najeriya (AFN), tsohon shugaban hukumar ƙwallon ƙafar Zamfara ne, kuma mamba ne na hukumar ƙwallon ƙafa ta Afrika (CAF), kuma mamba a kwamitin shirya matasan CAF .

Zaɓen babban taron hukumar ƙwallon ƙafa ta Najeriya karo na 78 ya zaɓe shi a matsayin shugaban hukumar na 40 kuma wanda ya gaji Amaju Pinnick .

Aiki

Gusau ya taba rike mukamin shugaban kungiyar ƙwallon ƙafa ta jihar Zamfara kuma ya taba zama mamba a kwamitin shirya gasar cin kofin nahiyar Afrika ta CAF .

A ranar 30 ga watan Satumba, shekarar 2022, an zaɓi Gusau a matsayin shugaban hukumar kwallon kafa ta Najeriya yayin babban taron shekara-shekara na NFF karo na 78 da aka gudanar a garin Benin, jihar Edo .