Lawal Adamu Usman

Lawal Adamu Usman
Rayuwa
Sana'a
Sana'a	ɗan siyasa

Lawal Adamu Usman, wanda aka fi sani da Mr. La, fitaccen ɗan siyasar Najeriya ne. wanda a halin yanzu shine, ɗan majalisar dattawa mai wakiltar mazaɓar Kaduna ta tsakiya a majalisar dokokin Najeriya ta 10. Ya zama zaɓaɓɓen ɗan majalisar dattawa bayan zaɓen Najeriya na shekarar 2023, inda ya tsaya takara a ƙarƙashin jam’iyyar adawa ta PDP. A fafatawar da yayi, Mista La ya doke abokin takararsa, na jam'iyyar APC mai mulki wato, Muhammad Sani Abdullahi (wanda aka fi sani da Dattijo).

Ya fara takarar kujerar majalisar dattawa tun a babban zaɓen Najeriya na shekarar 2019 a lokacin da ya fito takara a karon farko. Sai dai ya fuskanci adawa mai karfi daga Sanata Uba Sani, wanda a ƙarshe ya yi nasara a zaɓen, shikuma ya fadi,duk da nasarar da Uba Sani ya samu Mr La bai ƙaraya ba inda a shekarar 2023 ya sake tsayawa takara. Mista La ya tsaya tsayin daka kan burinsa na siyasa, ya kuma ci gaba da aiki tukuru domin yi wa al’ummar Kaduna ta tsakiya hidima.

A yayin da ake tunkarar babban zaɓen Najeriya na shekarar 2023, Mista La ya tsara dabarun yaƙin neman zaɓe, inda ya samu gagarumin goyon baya daga jam'iyyarsa ta PDP, da kuma 'yan mazaɓar sa daga Kaduna ta tsakiya. Jajircewar sa, da kuma alƙawurran da ya ɗauka na magance buƙatun jama’a sun yi tasiri ga al’ummar da suka zaɓe shi, wanda a ƙarshe ya kai shi ga nasara a zaɓen.

Farkon Rayuwarsa da Ilimi

An haifi Mista La kuma ya tashi duka a Kaduna, wato haifaffen jihar Kaduna ne.Ya halarci Makarantar Firamare ta Demonstration Kaduna, daga nan kuma ya wuce Makarantar Sakandaren Gwamnati ta Gwagwalada. Mista La ya kammala karatunsa na jami'a ne a Jami'ar Ahmadu Bello da ke Zariya. Duk da cewa Mista La ya fuskanci ƙalubalen jayayya a kan iliminsa, tare da zargin cewa bai halarci makarantar firamare, da sakandare ba.

Duba Kuma

• Kujerar Sanatan Kaduna ta Tsakiya