Mohamed Maa'it

Mohamed Maa'it
Finance Minister (en) 14 ga Yuni, 2018 -
Rayuwa
Haihuwa	31 ga Augusta, 1962 (61 shekaru)
ƙasa	Misra
Karatu
Makaranta	Cairo University (en)
Sana'a
Sana'a	civil servant (en)

Mohammed Ma'it

Mohamed Maait ɗan siyasar Masar ne wanda ya kasance Ministan Kuɗi bayan hawansa daga Mataimakin Ministan Kuɗi na Al'amuran Baitulmalin Jama'a kuma Shugaban Sashen Shari'ar Tattalin Arziƙi. An naɗa shi a matsayin Gwarzon Ministan Kuɗi na Afirka (2019).

Ilimi

Maait ya sami digirinsa na farko a fannin inshora da lissafi a shekara ta 1984 da MPhil a Inshora a shekara ta 1992 daga Jami'ar Alkahira, Masar. Daga nan ya tafi Jami'ar City University, Landan inda ya sami Diploma a fannin Kimiyya a shekara ta 1996, da digiri na biyu a shekarar 1997 da PhD a shekara ta 2003.

Sana'a

Ya yi aiki a matsayin babban darektan Cibiyar Inshorar Masarawa a shekarar 2007 kafin a naɗa shi babban mai ba da shawara ga ministan kuɗi daga shekarun 2009 zuwa 2009. Daga shekarun 2013 zuwa 2015, ya yi aiki a lokaci guda a matsayin mataimakin shugaban hukumar kula da harkokin kuɗi ta Masar, Mataimakin Ministan Kuɗi na Harkokin Gudanarwa a shekarar 2013 da Mataimakin Ministan Lafiya da Yawan Jama'a na Farko daga shekarun 2014 zuwa 2015. An tura shi mataimakin ministan kuɗi na farko akan harkokin baitul mali kafin daga bisani a bashi muƙamin mataimakin ministan kuɗi akan harkokin baitul malin jama'a da shugaban sashin shari'a na tattalin arziki daga bisani kuma aka naɗa shi ministan kuɗi.

Shi ne shugaban kwamitin gudanarwa na Hukumar Kula da Inshorar Lafiya ta Duniya tun daga shekarar 2018 kuma shugaban Hukumar Kula da Lafiya ta Afirka tun a shekarar 2021.

Kyauta

An naɗa shi a matsayin Gwarzon Ministan Kuɗi na Afirka a shekarar 2019 saboda "tsarin sauye-sauyen tattalin arziki na Masar" wanda ya lashe "yabo daga ko'ina cikin duniya, tare da kyawawan dalilai", a cewar masu shirya gasar.