Sarki Abdurrahman Daura

Wazirin Daura Abdurrahman ne ya gaji mahaifinsa sarkin Daura Malam Musa a cikin Shekara ta 1911. Sarkin Daura Alhaji Abdurrahman ya yi shekara 55 a bisa gadon sarautar Daura. A wannan lokacin an sa mi muhimman canje-canje.

Ci-gaban Zamani

A lokacin sarautar Sarki Abdurahman an sami ci gaba sosae da canje- canje na zamani, a lokacin ne aka bude makarantar elimantareta farko a kasar Daura. An bude wannan makaranta ne a cikin Daura. A cikin shekara ta 1934 aka cire Daura daga lardin kano, aka mayar da ita sabon lardin Katsina.

Shekara 40 bisa Gadon Sarauta

Sarkin Daura Abdurrahman yayi bikin shekara Arba'in bisa gadon sarautar Daura a cikin shekara ta 1951. A cikin shekaravta 1959 Jihar Arewa ta sami mulkin kai. A shekara ta gaba wato 1960, Najeriya ta sami 'yancin kai daga mulkin mallaka na Ingila. A zamanin Sarki Abdurrahman, garin Daura ya sami ruwan famgo da wayar iska, aka kuma kara fadada ilimin zamani da buden dakunan shan magani. Shekara 50 bisa Gadon Sarauta

A shekara ta 1962, Sarki Abdurahman ya cika shekara 50 a bisa gadon sarauta. An yi kasaitaccen buki a wannan lokacin.

Mutuwa

Allah yayi wa mai martaba sarkin Daura Alhaji Abdurahman Dan Mjusa rasuwa a cikin shekara ta 1966. Allah ya jikan mai martaba Sarki.