Adja Satú Camará
Adja Satú Camará Pinto ita din 'yar siyasa ce daga ƙasar Guinea-Bissau. Ma'aikaciyar lafiya kuma tsohuwar 'yar siyasa ta PAICS, ta yi aiki a matsayin mataimakiyar PAICS a Majalisar Jama'ar Ƙasa tsakanin shekarun 1977 zuwa 2008. Ta kasance ministar harkokin cikin gida daga shekarun 2009 zuwa 2010. A cikin shekarar 2016 ta bar PAICS, ta shiga Madem G15 a cikin shekarar 2018. A shekarar 2019 aka zaɓe ta a matsayin mataimakiyar shugabar majalisar wakilai ta ƙasa. A shekarar 2020 an naɗa ta a matsayin mataimakiyar kakakin kungiyar raya tattalin arzikin ƙasashen yammacin Afirka (ECOWAS) ta huɗu. [1]
Rayuwa
[gyara sashe | gyara masomin]An haifi Adja Satú Camará a N'Tuhana, Buba Sector, yankin Quinara. Ita ce 'yar Mamadú Camara da Mariama Sambú. Ta shiga Jam'iyyar Afirka da 'Yancin Guinea da Cape Verde (PAICS) kuma ta shiga yakin 'yancin kai na Guinea-Bissau. A shekarar 1964 ta ɗauki horon soji a Ghana, kuma a shekarar 1965 ta samu horo a cikin USSR a matsayin ma'aikaciyar jinya ta taimako. Bayan mukaman gwamnatin kiwon lafiya daban-daban an naɗa Camara shugabar kula da lafiya a asibitin Bafatá bayan samun 'yancin kai.[1]
Shiga cikin siyasa, Adja Satú Camará ta zama mataimakiya a Majalisar Jama'a ta ƙasa a shekarar 1977. Ta kuma kasance gwamnan yankin Bafatá daga shekarun 1985 zuwa 1990, yankin Cacheu daga shekarun 1990 zuwa 1995, da yankin Gabú daga shekarun 1997 zuwa 1999.[2] Ta ci gaba da zama a majalisar wakilai ta ƙasa a babban zaɓen ƙasar Guinea-Bissau na shekarar 1994, zaɓen majalisar dokoki na jam'iyyu da yawa na farko, kuma an sake zaɓe a shekarun 1999 da 2004. Daga shekarun 1999 zuwa 2006 ta kasance mai gudanarwa na ƙasa na União Democrática das Mulheres da Guiné (UDEMU), reshen mata na PAICS,[1] wanda Eva Gomes ya gaje ta. Ta kasance mataimakiyar shugaban PAICS daga shekarun 2003 zuwa 2007, kuma memba a Majalisar Jiha a shekarar 2004.[1]
Adja Satú Camará Pinto ta kasance ministar cikin gida daga shekarun 2009 zuwa 2010. Daga nan aka naɗa ta shugabar ma’aikatan fadar shugaban ƙasar.[1]
Daga baya Camara Pinto ta zama mataimakiyar kakakin majalisar dokokin ƙasashen yammacin Afirka (ECOWAS) na huɗu.[3]
Manazarta
[gyara sashe | gyara masomin]- ↑ 1.0 1.1 1.2 1.3 1.4 "Adja Satú Camará". National People's Assembly (in Portuguese). Retrieved 3 November 2023.CS1 maint: unrecognized language (link) Cite error: Invalid
<ref>tag; name "ANP" defined multiple times with different content - ↑ Mendy, Peter Karibe; Lobban Jr., Richard A. (2013). Historical Dictionary of the Republic of Guinea-Bissau. Scarecrow Press. p. 398. ISBN 9780810880276.
- ↑ "Tension between Legislature and Executive led to dissolution of Parliament — Camara Pinto asserts". ghanamps.com. Retrieved 3 November 2023.