Merlin (wanda kuma aka sani da The Adventures of Merlin ) shirin talabijin ne na mai ban sha'awa, wanda ya akayi shi da almara na Arthurian game da kusancin Merlin da Sarki Arthur . Julian Jones, Jake Michie, Johnny Capps da Julian Murphy ne suka ƙirƙira shirin ma BBC, an watsa shi don shirye-shirye guda biyar akan BBC One tsakanin watan 20 Satumba shekara ta 2008 da 24 ga watan Disamba shekara ta 2012. Shirin ya hada da Colin Morgan, Bradley James, Katie McGrath, Angel Coulby, Richard Wilson, Anthony Head, da John Hurt .
An zabi shirin Merlin a lambobin yabo da yawa, inda ya lashe lambar yabo ta shekarar 2011 British Academy Television Award don mafi kyawun tasirin gani. An sayar da haƙƙin watsa shirye-shirye zuwa sama da ƙasashe 180.
Merlin ( Colin Morgan ) wani matashi ne, mai karfin tsafi wanda ya isa masarautar Camelot bayan mahaifiyarsa ta shirya shi ya zauna tare da likitan garin, Gaius ( Richard Wilson ). Da zuwansa garin Ya gano cewa sarki, Uther Pendragon ( Anthony Head ), ya haramta sihiri shekaru ashirin da suka gabata a wani taron da aka sani da Babban Tsarkakewa kuma ya ɗaure Jegari na ƙarshe, Kilgharrah (muryar John Hurt ), a cikin kogo a ƙarƙashin ginin. Bayan ya ji wata murya mai ban mamaki a cikin kansa, Merlin ya kama hanyarsa zuwa kogon da ke ƙarƙashin gidan don ya gano cewa yana jin muryar dodo. Babban Dragon ya gaya wa Merlin cewa yana da muhimmiyar makoma: don kare dan Uther, Yarima Arthur ( Bradley James ), wanda zai dawo da sihiri zuwa Camelot kuma ya haɗu da ƙasar Albion .
