Mukhtar Shehu idris

Mukhtar Shehu Idris (an haife shi a ranar 4 ga Afrilu, 1974) Najeriya ne mai gudanarwa kuma ɗan siyasa. Ya zama zaɓaɓɓen gwamnan jihar Zamfara a zaben gwamna na 2019 a karkashin tutar jam'iyyar APC. Kwanaki biyar da rantsar da shi a matsayin gwamnan jihar Zamfara kotun koli ta soke zaben Idris da daukacin ‘yan takarar jam’iyyar APC a zaben 2019 tare da umartar hukumar zabe mai zaman kanta da ta bayyana dukkan wadanda suka yi takara na farko a zaben (Yan jam'iyyar Adawa) wadanda suka cika sharuddan dokokin a mat say in wadanda sukayi Nasara suka yi nasara a zaben. Babban mai ƙalubalantar Mukhtar a zaben fidda gwani na jam’iyyar APC a jihar, Kabir Marafa marafan gusau ya garzaya kotu a kan cewa jam’iyyar APC a Zamfara ba ta gudanar da zaben fidda gwani na jam’iyyar ba, ya kuma ya roki kotun da ta soke duk ‘yan takarar jam’iyyar. zaben 2019. An bayyana ‘yan takarar jam’iyyar adawa ta People’s Democratic Party, (PDP) a matsayin wadanda suka sha kaye a zaben, amma daga baya kotu ta tabbatar dasu a matsayin wadanda suka lashe zaben, kuma sun zama wadanda suka fi cin gajiyar rikicin na APC. A watan Janairun 2020, APC ta garzaya kotun koli domin ta sake duba hukuncin da ta yanke a ranar 27 ga Maris, 2020, kotun ta ki sake duba hukuncin nata wanda ta ce shi ne na karshe kuma ta duba dukkan bangarorin da ke cikin karar.

Farkon Rayuwa da Karatu

An haife shi ranar 4 ga watan Afrilu, 1974 a Tudun Wada, karamar hukumar Gusau ta jihar Zamfara.

Bayan kammala karatunsa na firamare ya tafi Government College Sokoto domin yin karatunsa na sakandare. Daga nan ya yi karatu a Jami’ar Bayero Kano inda ya kammala digirinsa na biyu a fannin tattalin arziki a shekarar 1997. A shekara ta 2000, ya kuma komawa makarantara inda ya sami digiri na biyu a fannin banki da hada-hadar kudi. A shekarar 2003 ya samu digiri na biyua fannin harkokin kasa da kasa da diflomasiyya a jami’ar Ahmadu Bello ta Zariya. Ya kara da digiri daga Jami’ar Bayero Kano a fannin nazarin cigaba (2005) da kuma “Treasury Management (2014).

Aiki da Siyasa

yi aiki a matsayin memba na ƙungiyar matasa a Asusun Tallafawa Iyali. Nadin sa na farko shi ne mataimakin mai kula da bankin Chattered Plc a Legas daga 1998 zuwa 1999. Ya koma Northco Holdings a matsayin Admin Officer a 1999 kuma ya koma Intercellular Nigeria Plc a matsayin Mataimakin Manaja a 2001. Ya kasance manajan darakta na Flamingo Resource Ltd Kano daga 2007 zuwa 2011.

Siyasa

Siyasarsa ta fara ne a shekarar 2011 a lokacin da aka kira shi ya yi wa jiharsa ta Zamfara hidima a shekarar 2011 inda aka nada shi kwamishinan gidaje da raya birane a farkon gwamnatin, kuma a shekarar 2015 aka sake nada shi kwamishinan kudi. ya tsaya takarar Dan majalisar tarayya ta Gusau/Tsafe ta jihar Zamfara a karkashin jam’iyyar PDP amma ba a ba shi tikitin takara ba. Daga baya ya koma jam’iyyar All Nigeria Peoples Party (ANPP). Ya kuma sauya sheka zuwa jam'iyyar APC kuma ya tsaya takarar gwamna inda ya Ya lashe zaben fidda gwanin takarar gwamna na jam’iyyar APC na jihar Zamfara a watan Oktoban 2018.

An zabi Alhaji Mukhtar a matsayin gwamnan jihar Zamfara a zaɓen gwamna na 2019 da aka gudanar a ranar 9 ga Maris, 2019. Wanda daga baya kotu Kwace nasararsa ta baiwa abokin Adawarsa na PDP sakamakon rashin gudanar da ingangaccen zaben fidda gwani