Nassor Hamoud

Nassor Hamoud
Rayuwa
Haihuwa	Temeke District (en) , 23 ga Maris, 2001 (23 shekaru)
Sana'a
Sana'a	ɗan wasan ƙwallon ƙafa
Hanya Ƙungiyoyi Shekaru Wasanni da ya/ta buga Ƙwallaye

Nassor Saadun Hamoud (an haife shi ranar 23 ga watan Maris 2001), wanda aka fi sani da Nassor Hamoud, ɗan wasan ƙwallon ƙafa ne na Tanzaniya wanda ke taka leda a kungiyar kwallon kafa ta Šumadija Aranđelovac ta Serbian League West.

Aikin kulob

A kasarsa Tanzania Hamoud ya buga wasa a kulob ɗin Kagera Sugar ta gasar Premier ta Tanzaniya. Daga shekarun 2018 zuwa 2020 ya buga wa Tersana SC na rukunin biyu na Masar wasa. A cikin watan Fabrairu 2020 ya yi tsalle zuwa Turai kuma ya rattaba hannu a kulob ɗin OFK Žarkovo na Gasar Farko ta Serbia na kakar 2019-20 kan kwantiragin shekaru biyu. Gabaɗaya, ya buga wasanni biyu a ƙungiyar tare da halarta na farko a ranar 30 ga watan Mayu 2020 da FK Zlatibor Čajetina. Daga nan sai ya koma FK Šumadija Aranđelovac kafin a ba da shi rance ga kungiyar kwallon kafa ta MFK Vyškov a 2021.

Ayyukan kasa da kasa

Hamoud ya kasance cikin tawagar Tanzaniya a gasar cin kofin Afrika ta matasa ta 'yan kasa da shekaru 20 na 2021, kuma ya buga dukkan wasanni ukun da kungiyar ta buga.

A cikin watan Maris 2021 an sanya Hamoud a matsayin daya daga cikin 'yan wasan da ke kasashen waje a jerin 'yan wasan Kim Poulsen na wucin gadi na manyan wasannin sada zumunta biyu da Kenya. A watan Mayun wannan shekarar, an sake saka shi cikin tawagar wucin gadi don wasan sada zumunci da Malawi amma bai yi jerin gwano na karshe ba.