Wikipedia:Visual editor/5

Daga Wikipedia, Insakulofidiya ta kyauta.
Jump to navigation Jump to search



VisualEditor-logo.svg

Bude Visual editor
Yadda ake fara gyara da Visual editor

Kayan aiki
Amfani da kayan aikin Visual editor

Mahadar shafi
Hada shafuka masu alaka

Adana gyara
Yadda ake adana aiki bayan an gama

Rubuta sabbin mukaloli
Yadda ake gina shafi da Visual editor

Daga karshe...
Nazarin abin da aka koya



Gabatarwa

Muna maku lale marhabin da zuwa Wikipedia ta harshen Hausa tare da fatan zaku hada hannu damu domin bunƙasa ta. Da farko yana da kyau ku fahimci Wikipedia ta Hausa wani ƙundin ilimi ne da ake son tattara dukkan muhimman bayanai na ilimi na dan adam (wato insakulofidiya). Wikipedia ta tattaro ilimin bangarori da dama wanda ya shafi dukkan ilimin dan adam na da da na yanzu, na kusa ko na nesa; mai kyau da mara kyau.

Wikipedia ta Hausa ta bambanta da wasu kafofin sada zumunta da taɗi kamar Fezbuk ko WhatsApp da suaran ire-iren hanyoyin sadarwa na zamani. Wikipedia ta Hausa ana rubuta tane akan mahangr da ba son rai sannan ba manufar Wikipedia bane tallata wata haja ta wata akidar siyasa ko rayuwa ba, sannan ba'a tallacen tallacen ra'ayoyi da kuma kayan kasuwanci a cikinta. Har ila yau, Wikipedia ta bambanta da jarida ko mujalla, domin ba hadafinta bane bada labaran yau da kullum ba, ba kuma kamus bace, domin ba manufar ta bane bada bayanin ma'anonin kalmomi ba. Ita Wikipedia ta Hausa babban hadafinta shine tattara gundarin ilimi a wuri guda a cikin harshen Hausa domin amfanar al'umma dake amfani da harshen; dalibai, malamai da ma sauran masu bincike.

Neman muƙalar a Wikipedia

Kafin ku fara rubuta sabuwar mukala a Hausa Wikiepedia yana da kyau ku fara bincikar ko an riga an rubuta wannan mukalar. A halin yanzua akwai mukaloli 3,845 a kan Hausa Wikipedia, to tana iya yiwuwa wadda kuke nema an riga an rubuta ta. Kamar yanzu in Kana son ganin mukala akan birnin Kano sai ku duba a Special:Search ku sa "Kano"; kuna fara rubutawa zata fara zubo maku da mukalolin dake da wannan suna. Idan mukalar tana nan, to zaku ga sunan ya fito shudin rubutu kamar haka: (Kano). Idan kuma babu mukalar to zaku ganta a jan rubutu kamar haka: (Misali).

A lokacin da zaku bincika sunan yana da kyau ku tuna duk sunayen da wurin ke amfani dashi, domin wsu abubuwa zaku ga suna da sunaye da yawa. Idan wurin yana da suna fiye da daya, za a iya karkatar da dayan sunan domin yaje zuwa ga shafin saboda mutane da suka sa duka sunayen su isa zuwa ga shafin cikin sauki. Misali, jihar Legas ana kiranta "Legas" ko kuma "Lagos". To za iya aje mukalar a "Legas" sai a tabbatar "Legos" kuma an karkatar dashi zuwa ga shafin. To duk lokacin da mutum yasa kowane sunan zai isa zuwa cikakken shafin.

Tattara asalin bayanai

Kafin ku rubuta mukala yana da kyau ku fara nazartar asalin bayananku. Domin kamar yadda aka fada Wikipedia ta Hausa ba wurin sadarwa na zamani bane inda kawai zaka iya rubuta abinda kake so. Kamar idan kuna son rubuta mukala akan "Kankana" to abinda ya kamata shine ku fara nazartar littattafai ko kuma mujallu sanannu da suka yi rubuta akan kankana, sai ku dora bayaninku akan hakan. Idan kuna son rubuta tarihin wan dan siyasa ko malami ko masani kimiyya da dai sauransu, sai ku fara bincikar kamar shafukan BBC, VOA da jaridun kasa domin ku ga mi aka rubuta akan wannan mutumin, sai ku dora bayanan ku akan hakan. Idan ku ka fara rubutun to duk wani bayani mai muhimmanci sai ku bada madogarar binciken ku; wato inda kuka samo shi. Zaku iya ganin karin bayani akan madogarar bincike a shafin Wikipedia:Tutorial/Bada madogarar bincike.

Abubuwan lura

A lokacin da kuke shirin fara rubuta mukala akan Wikipedia ta Hausa, da kuma lokacin da kuke cikin rubutun da kwai wasu muhimman abubuwa da ya kamata ku lura dasu sosai. Na farko ku fahimci Manufofin Wikipedia sannan ku karanta Shawarwari goma da a ka fidda anan. A kasa, ga karin bayanin su:

Talla

Ba'a kafa Wikipedia ta Hausa ba domin talla kuma ya zama wajibi masu amfani da ita su kiyaye. Talla, ko ta wani dan siyasa ko malami ko mawaƙi da kuke ƙauna ko kuma wani kasuwanci, wani magani ko fahimta ta addini ko siyasa ko ta harkokin rayuwa duk ba'a amince ba da su. Wikipedia wuri ne kawai domin tattara ilimin dan adam da kuma gabatar da shi ta hanyar da zai amfani mutane kuma ya isa gare su cikin sauki. Editocin da suka nace a wajen yin talla ko wace iri, za'a iya blocking din su, domin kare manufofin Wikipedia ta Hausa.

Satar fasaha

Ba za ku iya kwafo rubutu daga wani wuri ba ba tare da izini ba. Duk mukaloli da hotuna da ke akan Wikipedia ana bada shine a lasisin gama-gari ta yadda kowa zai iya amfani da abubuwan dake cikinta, da sarrafa su da yaɗa su gaba, shi yasa ya zama wajibi duk abunda za a dora akan Wikipedia shima ya zama yana da lasisin gama gari. Saboda haka, Wikipedia ta Hausa bata ajiye rubutu ko hoto, mai motsi da marar motsi wanda bashi da cikakken izini daga mai haƙƙin mallakar shi. Saboda haka yana da kyau mu fahimci kwafo rubutu daga wasu shafukan yanar gizo, ko a litattafai ko jaridu da mujallu ba tare da izini ba yana da matuƙar hadari kuma laifi ne. Da zaran an tabbatar rubutun an kwafo shine daga wani guri ba tare da izini ba to za'a goge shine da gaggawa daga Wikipedia ta Hausa tare dayin gargadi ga mai aikata hakan. Nacewa akan kwafo rubutu ba tare da izini zai iya sa ayi blocking din account din mutum domin kare Wikipedia ta Hausa da kuma dokokin hakkin mallaka na ƙasar Amurka (inda injinan dake tafiyar da Hausa Wikipedia suke). Wikipedia ta dauki Haƙƙin Mallaka da matukar muhimmanci kuma ya zama tilas akan kowane mi gyaranta da sha'awar ci gabanta ya kiyaye hakan.