Ahmed Amin Hamza

Ahmed Amin Hamza
Rayuwa
Haihuwa	1941 (82/83 shekaru)
ƙasa	Misra
Karatu
Makaranta	Ain Shams University (en)
Sana'a
Kyaututtuka	gani Fellow of the African Academy of Sciences  (1995) honorary doctorate : Technical University of Liberec (en)  (2000) Fellow of the Institute of Physics

Ahmed Amin Hamza FAAS FRMS SPIE ( Larabci: أحمد أمين حمزة‎) wani farfesa ne na ƙasar Masar a fannin kimiyyar lissafi a bangaran karatun kimiya na, Jami'ar Mansoura. Ya kasance tsohon shugaba kuma mataimakin shugaban cibiyar kuma tsohon shugaban jami'ar Burtaniya a Masar. Shi memba ne na Kwalejin Kimiyya ta Afirka kuma fellow ne na cibiyar kimiyyar lissafi.

Rayuwar farko da ilimi

An haifi Ahmed Amin Hamza ranar 8 ga watan Maris, 1941. Ya sami digiri na farko, B. Sc Physics and Chemistry, daga Jami'ar Ain Shams, Alkahira a shekara ta 1962 tare da Daraja. A cikin shekarun 1964 da 1967, ya sami digirin difloma a fannin nazarin halittu da kuma M. Sc a fannin Physics bi da bi. A shekara ta 1972, ya sami digiri na uku a fannin kimiyyar lissafi daga wannan jami'a.

Sana'a

Bayan kammala karatunsa na farko, an naɗa shi a matsayin shugaban sashen Launi, Cairo Dyeing and Finishing Company, Alkahira a shekara ta 1962. Shekara guda bayan kammala karatunsa na M. Sc, ya zama Shugaban Sashen Buga na wannan kamfani. A cikin shekarar 1972, ya zama malami na Physics a Faculty of Science a University of Mansoura, Egypt. A shekara ta 1976, ya zama mataimakin farfesa, a shekarar 1981, ya zama farfesa a Experimental Physics kuma a shekarar 2001, ya zama babban farfesa a wannan cibiya.

Gudanarwa

Ya kasance shugaban Sashen Physics, a Faculty of Science, University of Mansoura daga shekarun 1984-1986 kuma mataimakin shugaban tsangayar kimiyya daga shekarun 1986-1992. Ya kasance Mataimakin Shugaban Al'umma da Ci gaban Muhalli, Jami'ar Mansoura na tsawon shekaru biyu; Agusta 1992- Agusta, 1994. Ya zama shugaban Jami'ar Mansoura a ranar 5 ga watan Agusta, 1994 kuma ya bar muƙamin a ranar 31 ga watan Yuli, 2001. Daga shekarun 2005 zuwa 2008, ya kasance mataimakin shugaban jami'ar Burtaniya a Masar kuma a shekarar 2008, ya zama shugaban wannan cibiya; matsayin da ya bari a shekarar 2013.

Membobi da haɗin gwiwa

A cikin shekarar 1977, ya zama Fellow of the Royal Microscopical Society, FRMS a Oxford kuma a cikin shekarar 1982, ya zama Fellow of the Institute of Physics a London. Ya zama wani ɓangare na International Society for Optical Engineering SPIE a cikin shekarar 1989 da kuma a cikin shekarar 1995, ya zama Memba na Kwalejin Kimiyya ta New York. A wannan shekarar, ya zama Memba na Kwalejin Kimiyya ta Masar, Cibiyar Kimiyya ta Afirka da Ƙungiyar Amirka don Ci gaban Kimiyya.

Kyauta

A cikin shekarar 1987, ya sami lambar yabo ta Masarawa a fannin Physics kuma a cikin shekara ta 1992, an ba shi lambar yabo ta Jami'ar Mansoura. A cikin shekara ta 1995, ya sami lambar yabo ta shugaban ƙasar Masar, kuma a cikin wannan shekarar, ya sami takardar shaidar girmamawa ta masana kimiyya daga Cibiyar Nazarin Kimiyya da Fasaha, da Ƙungiyar Masarautar Ƙwararrun Ƙwararru na Kimiyya. A cikin shekara ta 1997, ya samu lambar yabo ta Jiha a Kimiyyar Kimiyya, bayan shekaru uku, ya sami Doctor honoris causa (Dr.hc) daga Jami'ar Fasaha ta Liberec, Jamhuriyar Czeck. A shekara ta 2005, ya sami lambar yabo ta El-Nile "Mubarak" a Advanced Technological Science, Kyauta mafi girma na ƙasa a Masar.