Aissa Doumara Ngatansou

Aissa Doumara Ngatansou
Rayuwa
Haihuwa	Kameru, 1972 (51/52 shekaru)
ƙasa	Kameru
Karatu
Makaranta	Université de la francophonie (en)
Sana'a
Sana'a	gwagwarmaya

Aissa Doumara Ngatansou (an haife ta a shekara ta 1972) 'yar gwagwarmayar Kamaru ce. A cikin shekarar 2019, ta ci lambar yabo ta Simone Veil.

Rayuwa

Doumara Ngatansou ta fito ne daga yankin arewacin Kamaru. Mahaifiyarta ta rasu tana da shekara 11, kuma tana da shekara 15, mahaifinta da danginta suka yanke shawarar aurar da ita ga wanda suka zaɓa ba tare da izininta ba. Bayan tayi aure ta yanke shawarar cigaba da karatun ta. Iyalin mijinta sun yi hamayya da shawararta, amma ta tsaya tsayin daka. Da shigewar lokaci, mijinta ya ƙara fahimta.

Bayan ta kammala makarantar sakandare, ta yi aiki tare da wasu mata don kafa ƙungiya a birnin Maroua don tallafa wa mata da 'yan mata da ke fama da tashin hankali. Ta kafa wani reshe na Ƙungiyar Kawar da Cin Hanci da Mata (ALVF). Kungiyar ta ALVF ta na bayar da agaji, rayuwa da kuma taimakon jin kai ga mata da ‘yan matan da rikicin Boko Haram ya shafa a yankin.

Kwararriya ce a fannin jinsi da cin zarafin 'yan mata da mata. Ita ce mai gudanar da shirye-shirye tare da kungiyar yaki da cin zarafin 'yan mata da mata a yankin Arewa mai nisa na Kamaru kuma mamba a kwamitin gudanarwa na aikin '‘We are the solution - let us celebrate women’s role in small-scale farming. ta kungiyar FAHAMU.

Kyauta

Aissa Doumara Ngatansou ta lashe lambar yabo ta Simone Veil Prize a Faransa saboda taimakon waɗanda aka yi wa fyaɗe da auren dole. Nganasou ta ce tana sadaukar da wannan lambar yabon ga duk matan da aka yi musu fyaɗe da auren dole da waɗanda suka tsira daga kungiyar Boko Haram ta Najeriya.